Extinguidos os incendios de Quiroga e Viana do Bolo tras queimar 80 hectáreas
Outro incendo que afectou a cinco hectáreas de monte raso no parque natural de Baixa Limia-Serra do Xurés, en Lobios, quedou extinguido.
Os incendios forestais rexistrados nos municipios de Quiroga (Lugo) e Viana do Bolo (Ourense) quedaron extinguidos na tarde deste sábado.
Segundo informou a Consellería do Medio Rural, o lume declarado na parroquia de Outeiro de Quiroga afectou a unha superficie de 45,46 hectáreas de monte raso.
Mentres, o incendio forestal declarado na parroquia de Sever de Viana do Bolo quedou extinguido tras queimar unha superficie de 35 hectáreas, das cales 27 eran de monte raso.
LOBIOS
Mentres, ás 00,25 horas deste sábado quedou extinguido o lume que comezou ás 20,39 horas do venres na parroquia de Grou no municipio ourensán de Lobios.
Segundo as últimas estimacións de Medio Rural, a superficie afectada foi de cinco hectáreas de monte raso dentro do parque natural Baixa Limia-Serra do Xurés.
Nos labores de extinción deste incendio participaron dous axentes, tres brigadas e dúas motobombas.
O goteo de incendios forestais continúa ás portas da primavera
Controlado un incendio forestal no Irixo tras queimar unhas 20 hectáreas
Extinguido un incendio forestal na Serra do Xurés tras queimar 35 hectáreas
Escribe o teu comentario