Aspas volve contar para os plans de Lopetegui na selección

O seleccionador chama ao celtista para o partido ante Israel, clasificatorio para o Mundial, e o amigable ante Francia.

Redacción
| Venres, 17 de Marzo de 2017, 17:16

Aspasseleccionuniformehoriz

Julen Lopetegui volve premiar a gran tempada de Iago Aspas e segue contando con el dentro dos seus plans para a selección española de fútbol. Os centrocampistas Asier Illarramendi e Ander Herrera e os dianteiros Gerard Deulofeu e Pedro Rodríguez son as principais novidades na lista para o partido ante Israel, clasificatorio para o Mundial de Rusia do 2018, e o amigable ante Francia. O seleccionador segue de preto aos tamén celestes Jonny e Hugo Mallo, pero aínda non lles fai oco na convocatoria.

Ademais, volven, despois de perder por lesión os dous os encontros de novembro, o defensa do Real Madrid Sergio Ramos e o central do FC Barcelona Gerard Piqué, así como o centrocampista Andrés Iniesta (FC Barcelona), o lateral Jordi Alba (FC Barcelona) e o dianteiro do Chelsea Diego Costa, que entrou na última convocatoria pero que tivo que ser substituído por Iago Aspas e abandonar a concentración por problemas musculares.

Tamén entra na lista Sergio Rico (Sevilla) en lugar do porteiro do Villareal Sergio Asenjo, cunha rotura do ligamento cruzado anterior do xeonllo esquerdo que o manterá sen xogar o que queda de tempada.

CONVOCADOS:

PORTEIROS: David de Gea (Manchester United), Pepe Reina (Nápoles) e Sergio Rico (Sevilla).

DEFENSAS: Dani Carvajal (Real Madrid), César Azpilicueta (Chelsea), Jordi Alba (FC Barcelona), Sergio Ramos (Real Madrid), Gerard Piqué (FC Barcelona), Nacho Fernández (Real Madrid), Nacho Monreal (Arsenal) e Javi Martínez (Bayern)

CENTROCAMPISTAS: Ander Herrera (Manchester United), Sergio Busquets (Barcelona), Asier Illarramendi (Real Sociedade), Andrés Iniesta (FC Barcelona), Isco Alarcón (Real Madrid), Thiago Alcántara (Bayern), Koke (Atlético Madrid) e David Silva (Manchester City).

DIANTEIROS: Álvaro Morata (Real Madrid), Pedro Rodríguez (Chelsea), Diego Costa (Chelsea), Gerard Deulofeu (AC Milan), Vitolo (Sevilla) e Iago Aspas (Celta).