Pedro Sánchez elixe Ourense como a primeira cidade galega da súa xira
O mércores da próxima semana presentará nun acto "aberto" o proxecto co que se presentará ás primarias do PSOE.
O ex secretario xeral do PSOE Pedro Sánchez protagonizará o próximo día 15 un acto "aberto á cidadanía" en Ourense para presentar 'Somos Socialistas', o proxecto co que concorrerá ás primarias.
Segundo avanzaron fontes socialistas a Europa Press, este evento político terá lugar ás 20,00 horas no edificio politécnico do campus universitario da cidade das Burgas.
Deste xeito, Ourense convértese na primeira cidade galega que visita Pedro Sánchez desde que o pasado 28 de xaneiro anunciou en Sevilla a súa intención de presentarse ás primarias do PSOE, previstas para o mes de maio.
Precisamente na capital ourensá ten Sánchez unha das súas principais valedoras en Galicia para recuperar o liderado do partido, a deputada no Congreso Rocío de Frutos.
Foi unha dos 15 parlamentarios socialistas que mantiveron o 'non' á investidura de Mariano Rajoy, a única entre os seis representantes do PSOE por Galicia na Cámara baixa.
Pablo Iglesias estaría disposto a entrar nun Goberno de Susana Díaz
Sánchez retirarase da política se non logra recuperar a Secretaría Xeral
A ourensá Rocío de Frutos doa a iniciativas sociais o diñeiro da súa sanción
Escribe o teu comentario