Pepe Mel pasa o seu primeiro test este xoves ante o Atlético
O novo adestrador dará a primeira lista trala última sesión de adestramento. Os colchoneiros aterran esta noite na Coruña.
Sen case aclimatación, só tres adestramentos, Pepe Mel dirixe o seu primeiro partido desde o banco do Dépor ante o Atlético de Madrid. Este mércores dispuxo un partido once para once, primeiro a todo e logo só a metade de campo.
O novo adestrador ten á súa disposición todos os futbolistas, ademais de Óscar e Nacho Monsalve, do Fabril. Guilherme acabou con molestias nos isquiotibiais da súa perna esquerda e está pendente de probas médicas nas próximas horas.
Este xoves o equipo adestra en Abegondo pola mañá, tralo que Pepe Mel dará a lista de xogadores convocados que se concentrarán para comer no Hotel Meliá María Pita.
O Atlético de Madrid, rival do Dépor, ten previsto aterrar esta noite ás nove no Aeroporto da Coruña.
Escribe o teu comentario