Os ríos galegos sofren máis de 1.200 puntos de verteduras contaminantes

|

Verquidovertidoaugasresiduais


A Comunidade galega contaba a finais de 2016 cun total de 7.737 puntos de vertedura inventariados na demarcación Galicia Costa --ríos só con canle en Galicia--. Do total de verteduras, 1.255 delas son contaminantes, 697 están en investigación, 3.462 cumpren cos límites e 2.323 xa foron emendados, segundo sinalou este xoves na comisión de Agricultura o director de Augas de Galicia, Roberto Rodríguez.


Así mesmo, entre os 7.737 puntos de vertedura hai 168 que se corresponden ao sector primario. Deses 168, 118 foron emendados, só un é contaminante, 22 están en investigación e 27 cumpren os límites.


Precisamente, este xoves o Parlamento galego aprobou por unanimidade -tras unha iniciativa do PSdeG-- instar á Xunta á creación dun mapa de verteduras no medio rural por parte de industrias de transformación do sector primario a canles de auga.


Esta proposta, defendida na comisión de Agricultura polo deputado socialista José Quiroga, busca que o mapa diferencie as verteduras en función do seu perigo e impacto para o medio ambiente.


ACTUACIÓN PARA POÑER FREO


Así, Quiroga espera que esta iniciativa sirva para "aos poucos poñerlle freo" a esta problemática no medio rural, xa que un dos elementos fundamentais para atallala "é ter a información e datos" sobre onde se producen. Aínda que esixiu á Xunta "firmeza" para que tome cartas no asunto, valorou o consenso dos grupos.


Pola súa banda, o deputado popular José González sinalou que o seu grupo apoia esta proposta como "un paso máis" para visualizar os puntos de vertedura de industrias primarias no rural, que son 168, "tendo en conta que o traballo xa se está facendo" por parte da Xunta.

relacionada 7.500 litros de auga para limpar unha vertedura de xurro en Muxía
relacionada Verdegaia oponse á vertedura ao mar de augas residuais en Ribeira
relacionada Senra denuncia en Europa "a alarmante contaminación" das rías galegas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress