Verdegaia oponse á vertedura ao mar de augas residuais en Ribeira

|

Vertidomar


A asociación ecoloxista Verdegaia explicitou este martes a súa oposición á autorización da vertedura ao mar de augas residuais da EDAR de Ribeira (A Coruña) "en tanto non se corrixan todos os problemas observados", e solicitou que se analice a posibilidade de "ter en conta outras opcións de depuración que non leven consigo aliviadoiros de augas fecais e pluviais mesturadas".


"Aínda estamos a tempo de optar por unha opción de depuración que sexa mellor para a saúde e o benestar das persoas, dos ecosistemas e da biodiversidade", indicou a asociación, que lembrou que "numerosas persoas" da zona denunciaron as "irregularidades" existentes desde a posta en marcha da EDAR.


Entre estas "irregularidades", Verdegaia apunta a unha "falta de control" das augas residuais da planta, das que "non se garante a súa depuración en orixe" e "non se establecen controis sobre as augas que saen do emisario de Touro".


"A falta de control", apunta a asociación, "fai que se estean producindo casos de verteduras de augas industriais aos colectores urbanos, contravindo o establecido no proxecto que no seu día foi aprobado".


VERTIDOS DE FECAIS


Do mesmo xeito, Verdegaia subliña que se están producindo "verteduras directas de fecais ao mar" non só en momentos de "pluviosidade inusual", senón "de maneira regular desde a posta en marcha da EDAR".


Finalmente, a asociación apunta a un "grave problema de cheiros derivado dos altos niveis de sulfhídrico, un gas que resulta tóxico a determinadas concentracións" e que está presente de forma "constante desde hai meses".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE