Morren dúas persoas nun accidente de tráfico en Porto do Son

|

Accidentenoche


Un home e unha muller faleceron na tarde deste venres ao chocar catro turismos e un camión que transportaba bombonas de butano pola AC-550, en Porto do Son, na Coruña.


Segundo informou o CAE 112 Galicia, xunto ás vítimas, que ían no mesmo vehículo, viaxaba outra muller que resultou ferida e foi trasladada por Urxencias médicas ao Hospital do Barbanza. Pola súa banda, o condutor do camión foi atendido polos servizos sanitarios nunha ambulancia.


Tras recibir o aviso dun particular, o CAE 112 Galicia mobilizou ao helicóptero medicalizado con base en Santiago, que se desprazou ao lugar.


Tamén foron mobilizados os Bombeiros de Ribeira e de Boiro, a Garda Civil de Tráfico, Protección Civil e o servizo de mantemento da estrada. A empresa do camión tamén foi informada do ocorrido.

relacionada Dous falecidos ao caer co coche ao río en Tordoia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress