O Celta viaxa con todo, lesionados incluídos, a pola semifinal de Copa
Berizzo mandou ensaiar mesmo os penaltis. E Abel Caballero lembra que "as decisións sobre seguridade en Vigo tómaas o alcalde, non o Real Madrid".
Eduardo Berizzo convocou a todos os xogadores do primeiro equipo, incluídos lesionados, e ao canteirán Iván Villar para viaxar a Vitoria, onde este mércores ás 21:00 se disputará o partido de volta das semifinais de Copa ante o Alavés.
Berizzo destaca que este partido ten "unha carga emocional moi importante. A ilusión, a paixón, o soño de chegar a unha final acompáñanos, é o noso combustible". Desta forma "un partido con esta carga emocional provoca moito coidado, moita tensión", segundo o adestrador, que pon o foco nos "detalles do partido, o xogo directo, o rebote, a seguna pelota". Tanto é así que non deixa nada ao azar e mesmo mandou ensaiar os penaltis.
REFORMA DA BANCADA
Outro tema que segue traendo cola é a suspensión do partido deste domingo. Así, Abel Caballero, insistiu este martes en defender a súa decisión de pechar o estadio municipal de Balaídos e proclamou que "as decisións sobre seguridade en Vigo as toma o alcalde, non o Real Madrid".
Nunha rolda de prensa, o rexedor olívico ha insistido en que non era viable a disputa do encontro, despois de que se desprendeu parte da cuberta, de que algúns ferros caesen ao terreo de xogo e de que outras estivesen en risco de caer.
A ese respecto, remitiuse ao informe dos técnicos municipais que alertaba deses riscos, así como da imposibilidade de actuar naquel momento sobre a cuberta, porque o vento podería poñer en perigo aos operarios. "O Madrid era coñecedor de todo isto, pero usou mecanismos impropios dun club de fútbol", denunciou, en alusión á "presión" exercida "a través de medios de comunicación" para poder disputar ese encontro.
"Non se se están enfadados porque lles eliminamos de Copa", ironizou Caballero, quen rexeitou as acusacións do Real Madrid e subliñou que todo o que dixo sobre a situación desa bancada de Balaídos "é absolutamente certo". "Eu tomei a decisión correcta, e o Madrid non estivo á altura das circunstancias", salientou.
Ademais, o alcalde de Vigo lembrou que o pasado fin de semana tamén se suspendeu o partido entre Dépor e Betis polos danos que o temporal causou en Riazor. "Na Coruña esa decisión non se cuestiona, en Vigo si porque xogaba o Real Madrid e desatáronse todas as iras do universo", afirmou, e engadiu: "Eu esperaba que o Madrid cooperase".
REFORMA DA BANCADA
Por outra banda, este martes asinouse o contrato coa empresa Copasa, adxudicataria da obra de reforma da bancada de Río (onde se rexistraron os maiores danos co temporal) por 5,5 millóns de euros.
Segundo explicou o alcalde, este contrato tería que asinarse hai dous meses, pero o recurso presentado pola asociación ADEVigo ante o Tribunal Administrativo Central de Recursos Contractuais (TACRC) atrasouno.
Unha vez que o TACRC inadmitió ese recurso "cunha contundencia absoluta" quedou demostrado, segundo Caballero, que era unha manobra "política" para frear a reforma do estadio por parte dunha entidade, reiterou, "con enorme proximidade ao PP". "En condicións normais, levariamos xa dous meses coa obra", sinalou.
Así as cousas, explicou, agora a empresa poñerase en marcha para iniciar esa reforma, que consistirá no cambio da cuberta, a mellora do confort nas bancadas, melloras na accesibilidade e outras actuacións. Segundo as estimacións do Concello, os traballos deberán estar terminados ao comezo da próxima tempada, e desenvolveranse "tentando que haxa as menores molestias posibles aos afeccionados" (executaranse sen pechar a bancada ao público).
Escribe o teu comentario