Máis de 6.000 persoas piden outra residencia pública en Santiago

Un total de 5.300 persoas asinan a través da plataforma 'Change.org' unha petición para que se constrúa en Santiago de Compostela unha residencia pública para persoas con discapacidade.

En concreto, a petición foi iniciada pola ANPA do CEE A Barcia, para solicitar á Xunta a creación dunha residencia pública para persoas con discapacidade en Santiago.

"A pesar de que cada vez é maior o número de poboación en situación de dependencia e/ou discapacidade, Santiago só conta actualmente cun centro residencial, no que todas as prazas están cubertas e as listas de espera son de entre tres e cinco anos", critica a petición.

Neste sentido, sinala que, debido a este feito, as familias "ou ben quedan varios anos á espera da concesión dunha praza, ou ben deben desprazar o seu familiar lonxe do municipio de orixe".

Ante este problema, os impulsores da campaña que conseguiron unhas 6.200 firmas en dous meses, propoñen que sexa no Meixonfrío, en Santiago, o Centro Galego de Discapacidades (CEGADI) o que dea resposta ás súas necesidades, "un edificio de máis de 8.000 metros cadrados que sería ideal".