Intercambio de porteiros entre o Dépor e o Anderlecht
Sen minutos con Garitano, Rubén Martínez marcha a Bélxica e chega á Coruña o porteiro titular da Sub 21, Davy Roef.
O Dépor e o Anderlecht intercambian porteiros ata final de tempada. Rubén Martínez, sen minutos con Garitano, pon rumbo ao club belga en busca da súa parte de protagonismo, o mesmo que tentará recuperar na Coruña Davy Roef.
O gardameta belga, internacional Sub 21 coa súa selección, xa está na Coruña e está previsto que este martes pase o recoñecemento médico e se faga oficial a súa incorporación. Xogou mesmo a Champions, pero nos últimos meses pediu saír no mercado de inverno. No Dépor chega para tentar facerse un oco.
Aínda que no conxunto herculino hai competencia, ao parecer era a única saída que lle ofrecía o Anderlecht. Un intercambio de cromos porque Garitano quere contar con tres porteiros, aínda que o equipo caese en Copa.
Garitano, prudente: "Vai ser unha pelexa moi dura ata o final"
O Deportivo empata en Gran Canaria
Escribe o teu comentario