Susana Díaz mantén o silencio sobre a súa posible candidatura

A secretaria xeral do PSOE en Andalucía, Susana Díaz, evitou facer alusións a se se presentará finalmente ás primarias do Partido Socialista, a pesar de que foron varias as ocasións no mesmo día nas que tivo que responder a este asunto por parte dos xornalistas.

Nun encontro previo ante os medios, mesmo ironizou ao agradecer "a habilidade" dunha mesma xornalista para preguntar "o mesmo de maneira distintas", pero insistiu en que os socialistas agora están en "qué PSOE" haberá a partir de agora e "logo xa virá quen dá ese paso adiante".

Con todo, dixo: "Vou pelexar porque haxa un PSOE forte e gañador", ante militantes do PSOE en Salamanca. Máis aló de nomes e persoas, e en referencia a preguntas dos medios sobre o xa precandidato Patxi López e a posibilidade de que Pedro Sánchez tente de novo poñerse á fronte de Ferraz, Susana Díaz dixo que o Congreso é "unha oportunidade para que o partido saia fortalecido, gañador e unido" despois dun proceso no que "afortunadamente hai primarias".

Sobre as disputas e complicacións dos últimos meses, a política andaluza animou a deixar atrás as "disputas" e a "crise" interna e tamén arengou os presentes para falar do PSOE como un partido que cando estivo á fronte do país deixou "unha folla de servizo chea de logros e de conquistas".

En canto ao Partido Socialista actual, Susana Díaz manifestou a súa crenza de que os cidadáns "valoran que o PSOE quere ser útil a España" e lembrou que grazas ao traballo e ao apoio do seu Grupo Parlamentario sibiron un oito por cento as pensións mínimas ou se retiraron as "inxustas" reválidas.

Agora, continuou, este partido ten "a oportunidade de definir qué quere ser", "un punto de inflexión" para mostrarse como unha formación "reformista" que "non mira para outro lado" ante problemas da xente como a subida da electricidade, as cláusulas "abusivas" dos bancos ou a perda de poder adquisitivo dos traballadores a pesar de recuperar os niveis previos á crise.

Para iso, "non podemos chamar á rebelión sen ofrecer solucións aos cidadáns", dixo sobre un partido que, aínda que "cometeu erros", quere "ser útil". E, nesta liña, puxo un símil futbolístico, onde o PSOE é "un equipo que ten que estar á altura da afección" e "poñerse en forma". Pois, "hai millóns de cidadáns" que queren "devolvernos o voto", engadiu.

"Vou loitar porque haxa un partido no que a única etiqueta sexa a de compañeiros e compañeiras", apostilou en referencia ao próximo congreso, sobre o que insistiu en que é "unha oportunidade".