A Ruta gastronómica da Lamprea recibe o premio Excelencias Gourmet en Fitur

Esta ruta gastronómica comprende 18 municipios galegos situados a beiras do Miño, Ulla e Tambre


|

Lamprea


A Ruta da Lamprea promovida por Turismo de Galicia recibiu, no marco da 37 edición da Feira Internacional de Turismo de Madrid (Fitur), o premio Excelencias Gourmet que concede anualmente este grupo co obxectivo de fomentar a calidade en diferentes ámbitos, todos eles relacionados co turismo, a gastronomía e a cultura.


Segundo informa a Xunta, a directora de Turismo de Galicia, Nava Castro, foi a encargada de recibir este galardón de mans do presidente do Grupo Excelencias, José Carlos de Santiago, a "este produto turístico diferenciador baseado no milenario peixe de gran tradición e arraigamento en Galicia" e que foi posto en marcha o pasado ano.


Esta ruta gastronómica comprende 18 municipios galegos situados a beiras do Miño, Ulla e Tambre, "combinando o compendio de recursos que atesoura cada unha das zonas destes ríos coa visita a lugares de interese natural e cultural da súa contorna", segundo explica a Xunta.


Así, a través da Ruta da Lamprea pódense descubrir os principais recursos naturais, gastronómicos e culturais destes concellos ao redor das labores de pesca e a gastronomía "deste singular pescado".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE