Hugo Mallo, sobre Orellana: "Por parte dos compañeiros o tema está resolto"

O lateral Hugo Mallo rexeita alongar máis os comentarios sobre a posible saída de Orellana do Celta. O xogador defende que tanto o adestrador coma o club pronunciáronse sobre o conflito e que os xogdores deben centrarse en xogar. "Por parte dos compañeiros e de todo o persoal, o tema está resolto e solucionado", insistiu o xogador.

O equipo está centrado no encontro de liga fronte á Real Sociedade en Anoeta. "Todo o que se xera ao noso ao redor é o Real Madrid, todo o mundo quere que chegue xa o partido, tanto a xente de fóra como pode haber algun ruxeruxe no vestiario", afirma, pero advirte de que "se non estamos mentalizados para ese partido, pasarémolo mal". Aínda que recoñece que tras a vitoria houbo "euforia" no vestiario.

Na Real ve un equipo co selo de Eusebio e que está a facer unha gran tempada. "Dá gusto velos xogar", agregou.