O galego Dani García está entre os dez magos seleccionados para o Campionato Mundial de Maxia de 2022

O certame celebrarase en Turín (Italia) entre o 2 e o 5 de xuño. 

Actuará co seu espectáculo Don Gelati, no que contará con Fran Rei como asesor cómico. 

Fonte: Dani García durante o seu espectáculo Don Gelati. 

Dani García procede de Neda, concello da Coruña. Dedícase ao mundo do espectáculo e, tralo seu último proxecto O Museo Encantado, o ilusionista foi elixido para participar en Turín nos próximos días. O campionato desenvolveráse na cidade italiana e abarcará un total de 100 horas consecutivas de espectáculo en directo.

O ilusionista ensinará a súa maxia da rúa no xardín Reggia di Venaria. Do mesmo modo, o certame organizado polo Master of Magic World Convention comezará este 2 de xuño e terá unha duración de tres días. A pesar de que sacou un novo espectáculo recentemente, o representante galego participará coa actuación de Don Gelati. Así, este show mistura maxia e humor e, ademais, conta con Fran Rei como asesor cómico.

Dani García é un profesional con vinte anos de experiencia e autonomía do seu traballo. Así, produce e interpreta as súas propias personaxes e escenarios. Na actualidade compaxina as actuacións en Galicia con estancias, funcións e formacións nos Estados Unidos.