​O galego Charlie Patiño, elixido entre os 20 xogadores máis prometedores do fútbol mundial

O mozo futbolista hispano-inglés, de raíces galegas é o olliño dereito de Arteta, é unha das maiores perlas do balompé.

Charlie Patiño con Arteta | Foto: @Arsenal

Messi, Cristiano Ronaldo, Benzemá, Modric… Son o presente do fútbol mundial. Algúns, como o astro rosarino ou o dianteiro luso han dominado o deporte durante o últimos quince anos, e aos poucos o seu brillo vaise facendo máis e máis intermitente. A idade pasa factura e estrella como Haaland, Mbappé ou João Félix parecen dignos herdeiros do cetro, pero, tras eles, vén unha fornada de futbolistas que prometen acaparar portadas e titulares. Unha delas é o galego Charlie Patiño, diamante do Arsenal e líder das inferiores da selección inglesa.

Patiño, de sangue galego aínda que nacido nas illas, ocupa o posto nº20 na lista da prestixiosa revista Four Four Two, que elaborou unha clasificación cos 50 futbolistas menores de 20 anos con máis potencial. O centrocampista do Arsenal debutou o pasado decembro co primeiro equipo da man de Arteta, que ve nel a un dos homes chamados a liderar á escuadra gunner nos próximos anos.

Nos seus primeiros minutos nun dos equipos lendarios da Premier League, o novo mediocentro arranxoullas para estrearse como profesional cun gol ante o Sunderland con apenas 18 anos. Co seu tanto, rompeu un rexistro que databa de 1963 ao ser o debutante máis novo converter para os londinienses en case 60 anos.

Patiño é o único galego nesta selección de talento, que lidera Jude Belligham, do Borussia Dortmund e un dos centrocampistas máis cotizados do mercado. Con todo, non é o único español, xa que Pedri e Ansu Fati pechan o podio. Yeremi Piñeiro, Gavi, Ilaix Moriba e Ilias Akhomach son os outros futbolistas con nacionalidade española -Ilaix xoga con Guinea- que tamén figuran na listaxe.