Covid municipios: só os do suroeste de Ourense e poucos máis lograron saír xa do peor nivel de transmisión posible

O mapa de incidencia semanal de covid por municipios mostra que os  niveis de transmisión seguen sendo enormes en case todo o país a pesar de que a tendencia a nivel galego hai tempo que é á baixa. Unicamente o suroeste de Ourense e algunhas zonas montañosas de Lugo e Pontevedra conseguiron baixar de 250 casos por 100.000 habitantes, o peor nivel da escala.

Só hai catro concellos sen positivos comunicados na última semana. Son Petín, Larouco, San Xoán de Río e Beariz.

Nota metodolóxica.- Os niveis que usa o mapa de incidencia acumulada de Galiciapress son os do anterior semáforo oficial, vixente ata finais de novembro.   En termos xerais, o novo semáforo eleva ao dobre as pinzas respecto ao anterior. Por exemplo, a nova normalidade -transmisión controlada na nova nomenclatura- dura ata 20 e non ata 10.  Cando un municipio ten menos de 10 positivos á semana, a Xunta non concreta cantos diagnosticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. 

VARIACIÓN SEMANAL

A nivel de tendencias, o mapa de calor da razón de taxas indícanos confirma o agravamento recente da pandemia na comarca do Ribeiro. Cortegada, Ribadavia, Arnoia, Beade, Cartelle, Castrelo e Toén conforman a zona de Galicia onde máis está expadiéndose o virus. Afortunadamente, a próxima capital, Ournese, aguanta á baixa (-15% semanal).

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de 0,83 ; o que quere dicir que na última semana houbo un  17% menos de positivos que na penúltima. 

Os municipios con máis de dez positivos á semana e onde os positivos están baixando desde un punto de vista semanal (pois a razón de taxas é inferior a 1) aparecen en diferentes tonalidades de verde no mapa. Canto máis escuro é ese verde, máis pronunciada é a melloría semanal. Por exemplo, as cidades cun verde máis escuro son A Coruña (-21%) e Santiago (-24%). Hai que ter en conta que son as urbes que máis tarde alcanzaron o pico de contagios, polo que é esperable que sexan as que melloren máis estes días.

Os municipios con máis de dez positivos á semana e onde os positivos están a subir desde un punto de vista semanal (pois a razón de taxas é superior  a 1) aparecen en diferentes tonalidades de vermello. Canto máis escuro ese vermello, máis pronunciado é o empeoramento semanal. Ademais do alza no Ribeiro, podemos comprobar por exemplo que por exemplo están a empeorar algúns concellos de Ferrolterra, como Ares (+8%), Cabanas (+4%) ou San Sadurniño (+24%). O peor comportamento nesta semana é o do seu veciño Moeche (+83%). A cidade próxima, Ferrol, aguanta á baixa (-12%)

Os municipios con máis de dez positivos á semana e onde os positivos están estancados desde o punto de vista semanal, pois a razón de taxas é xusto 1, aparecen en  branco no mapa. . Por exemplo, hoxe Lalín e A Estrada. 

En municipios que teñen menos de 10 positivos á semana é imposible calcular a razón de taxas. Son os que aparecen en gris no mapa. Visto os aínda elevados niveis de transmisión, ter menos de 10 positivos á semana é unha boa noticia. Bos datos que xa son maioritarios no sur da provincia de Ourense e as montañas orientais de Lugo, as zonas máis despobladas do país.

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade. 

Municipios que máis baixan hoxe o seu cómputo semanal  respecto a ese cómputo onte:

• CORUÑA (A) -186
• VIGO -135
• SANTIAGO DE COMPOSTELA -116
• OLEIROS -35
• CARBALLO -31
• RIANXO -26
• OURENSE -26
• TEO -25
• MONFORTE DE LEMOS -25
• BETANZOS -22
• CULLEREDO -21
• FERROL -21
• RIBEIRA -21
• MARIN -21 

Municipios que máis soben hoxe o seu cómputo diario respecto a ese cómputo onte: 

• ORTIGUEIRA +4
• PONTEDEUME +4
• POL +4
• CAMBADOS +4
• SILLEDA +4
• VILA DE CRUCES +4
• PONTECESO +5
• SOUTOMAIOR +6
• FONSAGRADA (A) +7
• CARBALLIÑO (Ou) +7
• CARTELLE +7
• LALIN +8
• RIBADEO +10
• LUGO +13 

TODOS Os MUNICIPIOS

A evolución dos positivos en todos os concellos de Galicia pode consultarse no buscador desta táboa. 

EVOLUCIÓN DOS CASOS ACTIVOS POR ÁREA

A nivel galego a tendencia de casos activos é á baixa, de maneira notable. A gráfica por distritos confirma esta tendencia, aínda que o descenso está a ser lento, moitísimo máis lento que o ascenso.

Por áreas, en Vigo hai 11.743 infeccións activas (91 menos); na área da Coruña hai 10.467 casos (271 menos); na área de Santiago hai 8.771 casos activos (48 menos); na de Pontevedra hai 5.212 persoas con Covid (55 menos); na área de Lugo hai 5.108 infectados (78 máis); na área de Ourense hai 4.901 casos (7 máis); e na área de Ferrol hai 2.328 casos activos (6 menos).

POSITIVOS E PRESIÓN HOSPITALARIA POR ÁREA  HOXE 

Segundo os datos publicados este venres pola Consellería de Sanidade, con información solicitada ata o xoves ás 18,00 horas, na última xornada detectáronse 3.679 casos novos de Covid en Galicia, fronte aos algo máis de 4.000 da xornada anterior.

No que se refire á presión hospitalaria, a ocupación de camas Covid descendeu en Galicia na última xornada, e actualmente hai 44 pacientes en UCI (tres menos) e 625 en hospitalización convencional (10 menos).

Por áreas sanitarias, na da Coruña hai 12 pacientes en coidados críticos (dous máis); na área de Vigo hai 8 pacientes (un menos); na área de Santiago mantéñense 7 pacientes en UCI; na área de Pontevedra hai 6 pacientes; na área de Ourense seguen 5 pacientes en UCI, os mesmos que en Lugo (dous menos); e na área de Ferrol os pacientes graves han baixado de 3 a 1.