Abanca busca despedir a 350 traballadores días despois de aprobar 56 millóns de diviendos para Escotet
O Consello de Administración de Abanca acordou abonar dividendos entre os seus accionistas por un importe de 66,67 millóns de euros nun pago o 2 de novembro. Deses millóns, 56 van para o banqueiro venozolano Juan Carlos Escotet, pois é o dono do 84,75% das accións. Pagos así lle permitiron ascender a quinto home máis rico de España.
O total do cobrado polo magnate en dividendos supera os 615 millóns desde 2015 e o benifico neto desde que se fixo con Novacaixagalicia -rescatada con diñeiro público- supera os 2.600 millóns.
A pesar destes números, Escotet segue recortando. Este verán pechou ducias de oficinas no rural e agora quere reducir cadro de persoal argumentando que sobran centos traballadores tras comprar Novobanco e Bankoa.
Abanca e sindicatos mantiveron este mércores unha nova reunión para abordar o axuste de persoal por mor da integración de Bankoa e Novo Banco. En concreto, a medida afectará a uns 350 traballadores e a unha ducia de oficinas.
Aínda no período informal de negociación, a empresa explicou esta xornada "as supostas causas" para acometer estas saídas de persoal, segundo informan fontes sindicais consultadas por Europa Press.
A xuízo dos sindicatos, Abanca parte dun "informe catastrofista sen fundamento", tendo en conta que os datos de Banco de España e da propia entidade financeira son "positivos" e hai beneficios e repartición de dividendos.
Coa vontade de acordar saídas "de mutuo acordo" por parte do banco, as fontes sindicais consultadas poñen o foco en que non existen "garantías" pero si "penalizacións fiscais ás indemnizacións" e esixen que calquera saída fágase mediante prexubilacións e sen "recortazo" do convenio.
Escribe o teu comentario