Covid por concellos: crecen os municipios que superan os dez casos activos e quedan menos localidades libres de Covid

O mapa da incidencia acumulada semanal de coronavirus por municipios mostra ás cidades de Vigo e Ourense liderando, como vén sendo habitual, a escalada de casos na comunidade. Con todo, fóra das grandes urbes atopámonos un panorama cada vez máis preocupante: Cambre e Silleda alcanzan a decena de casos, Padrón sobe a once, como Outeiro de Rei e Sanxenxo, Forcarei chega xa a 14 casos...

No lado contrario atopamos a Barbadás, que baixa de 11 a "entre 1 e 9". Ourense sobe de risco alto -vermello- a risco extremo -granate-. As demais cidades permanecen no nivel de risco medio -laranxa-, coa condición de Santiago de Compostela, que aguantan no nivel de risco baixo -amarelo-. 

Soutomaior, Salvaterra do Miño, Portas, Agolada, Cambados, Bueu, Arbo, Pontedeva, A Merca, Castro de Rei, Aflfoz, Vimianzo, Rois, Curtis, Dodro e Brión pasan de reportar 0 casos a ter "entre 1 e 9" segundo os datos da Xunta. As Neves, Vilar de Santos, Sandiás, Xunqueira de Ambía, Boborás, Pol, Tordoia, Porto do Son, Ordes e Neda fan o camiño contrario: están con 0 casos activos.

Nota metodolóxica.- Cando un municipio ten menos de 10 positivos á semana, a Xunta non concreta cantos diagnosticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. Esta opacidade afecta sobre todo os municipios máis pequenos, pois é onde é máis difícil que haxa 10 ou máis positivos a a semana. Con todo, en épocas de moi pouca incidencia de covid, esta opacidade afecta tamén a concellos máis grandes, porque as urbes empezan tamén a contar menos de 10 á semana. En todo caso, a Xunta si detalla o nivel de incidencia acumulada en cada municipio todos os días, polo que as cores do mapa se corresponde ao nivel actual  de alerta en semáforo covid para a incidencia acumulada en todos os concellos. 

VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de 1,38; o que quere dicir que na última semana houbo un 38% máis de positivos que na penúltima. 

Municipios con máis de dez positivos á semana e onde os positivos están baixando desde un punto de vista semanal, pois a razón de taxas é inferior a 1: 

• Cambre 0,91
• Ferrol 0,89
• Oleiros 0,65

Municipios con máis de dez positivos á semana e onde os positivos están subindo desde un punto de vista semanal, pois a razón de taxas é superior a 1: 

• Outeiro de Rei 2
• Padrón 2
• Sanxenxo 2
• Silleda 2
• Fene 1,77
• O Porriño 1,76
• Vigo 1,55
• Lugo 1,47
• Ourense 1,36
• Pontevedra 1,36
• Allariz 1,35
• Forcarei 1,33
• Santiago de Compostela 1,31
• A Coruña 1,21

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.

Relación de concellos cun cómputo semanal maior de 10 e cuxo total de positivos na última semana sobe hoxe respecto a ese total onte: 

• Vigo +28
• Ourense +14
• Santiago de Compostela +8
• Pontevedra +7
• Lugo +5
• Fene +4
• A Coruña +3
• Ferrol +4
• O Porriño +2
• Oleiros +1

Hoxe non se rexistran concellos cun cómputo semanal maior de 10 e cuxo total de positivos na última semana e que baixe hoxe respecto a ese total onte.

TODOS Os MUNICIPIOS

A evolución dos positivos en todos os concellos de Galicia pode consultarse no buscador desta táboa:

EVOLUCIÓN DOS CASOS ACTIVOS POR ÁREA

Os casos activos de Covid-19 suman 18 xornadas consecutivas de aumento e colócanse en 1.749, que supoñen 209 máis que a xornada anterior ao haber máis contagios (254) que altas (43), ao que se engaden dous falecementos. Con respecto ao xoves anterior --11 de novembro-- hai 842 infeccións máis que as rexistradas hai unha semana.

As infeccións activas ascenden nas sete áreas sanitarias galegas, coas Vigo e Ourense á cabeza (+47), seguidas das de Pontevedra e O Salnés (+32), Santiago e Barbanza (+30), A Coruña e Cee (+26), Lugo (+17) e Ferrol (+10).

Así, con máis casos mantense a de Ourense, con 412; seguida da da Coruña e Cee, con 367; Vigo, con 360; Lugo, con 170; Santiago e Barbanza, con 167; Pontevedra e O Salnés, con 156; e á cola segue a de Ferrol, con 117.

Segundo os datos actualizados na tarde deste mércores pasado polo Ministerio de Sanidade, Galicia conta cunha taxa a 14 días de 59,81 casos por 100.000 habitantes, fronte aos 53,26 do martes, mentres que a media de España ascende a 96,12.

POSITIVOS HOXE E PRESIÓN HOSPITALARIA POR ÁREA

Os casos activos de Covid-19 en Galicia manteñen a tendencia ascendente e sitúanse en 1.749, tras rexistrarse 254 novos contagios no conxunto da Comunidade galega, pero descenden a 54 os pacientes hospitalizados --seis menos--. Polo seu lado, a taxa de positividade baixa lixeiramente a un 4,6 por cento.

Segundo os datos publicados na mañá deste xoves pola Consellería de Sanidade con rexistros ata as 18,00 horas deste mércores, increméntanse a 12 as persoas ingresadas en UCI pola Covid en toda Galicia --una máis--, pero baixan a 42 as hospitalizadas noutras unidades --sete menos--, mentres que 1.695 pacientes atópanse en seguimento no seu domicilio.

Por áreas sanitarias, a presión hospitalaria aumenta lixeiramente na da Coruña e Cee, que aínda que mantén dous pacientes Covid en UCI, regsitra 15 noutras unidades --dúas máis--; alíviase nas de Ourense, Vigo, Lugo e Ferrol; e mantense nas de Santiago-Barbanza e Pontevedra-O Salnés.

Na de Ourense segue un paciente Covid en UCI e descenden a nove os doutras unidades --catro menos--; e na de Vigo aumentan a tres o críticos --un máis--, pero baixan a sete os doutras unidades --dúas menos--.

Na área de Lugo mantense un ingresado en UCI e xa non hai outros pacientes Covid en planta --a xornada pasada quedaban dúas--; mentres que na de Ferrol seguen tres en críticos e quedan cinco noutras unidades --uno menos--.

Sen cambios mantéñense as áreas de Santiago e Barbanza, cun en críticos e tres en planta, e Pontevedra e O Salnés, con só tres en unidades convencionais.