Covid por concellos: importantes descensos na Coruña, Ferrol e Ourense pero forte subida na área de Lugo

O mapa da incidencia acumulada semanal de coronavirus por municipios mostra como Ourense mantense no nivel de alerta medio -laranxa no mapa- pese ao descenso de casos na cidade. Tamén A Coruña e Ferrol rexistran unha baixada importante, pero seguen no nivel de alerta baixo -amarelo-. 

As demais cidades permanecen na nova normalidade, aínda que hoxe a área sanitaria de Lugo lanza os peores datos, cunha variación de oito casos e con Abadín ou Ribeira de Piquín en risco extremo. 

Hoxe, Vilar de Santos, Cenlle, Vilalba, Riotorto e Chantada pasan de reportar 0 casos a ter "entre 1 e 9" segundo os datos da Xunta. A Guarda, Gondomar, Paderne de Allariz, Avión, Gutiriz, Sada, Padrón, Melide e Carral fan o camiño contrario: están con 0 casos activos.

Nota metodolóxica.- Cando un municipio ten menos de 10 positivos á semana, a Xunta non concreta cantos diagnosticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. Esta opacidade afecta sobre todo os municipios máis pequenos, pois é onde é máis difícil que haxa 10 ou máis positivos a a semana. Con todo, en épocas de moi pouca incidencia de covid, esta opacidade afecta tamén a concellos máis grandes, porque as urbes empezan tamén a contar menos de 10 á semana. En todo caso, a Xunta si detalla o nivel de incidencia acumulada en cada municipio todos os días, polo que as cores do mapa se corresponde ao nivel actual  de alerta en semáforo covid para a incidencia acumulada en todos os concellos. 

VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de 1,13; o que quere dicir que na última semana houbo un 13% máis de positivos que na penúltima. 

Municipios con máis de dez positivos á semana e onde os positivos están baixando desde un punto de vista semanal, pois a razón de taxas é inferior a 1: 

• A Coruña -3
• Ferrol -3
• Ourense -3
• Vigo -2

Municipios con máis de dez positivos á semana e onde os positivos están subindo desde un punto de vista semanal, pois a razón de taxas é superior a 1: 

• Barbadás +1

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.

Relación de concellos cun cómputo semanal maior de 10 e cuxo total de positivos na última semana sobe hoxe respecto a ese total onte: 

• Ourense 1,45
• Ferrol 1,23
• A Coruña 1,22
• Barbadás 1,13

Relación de concellos cun cómputo semanal maior de 10 e cuxo total de positivos na última semana baixa hoxe respecto a ese total onte:

• Vigo 0,95

TODOS Os MUNICIPIOS

A evolución dos positivos en todos os concellos de Galicia pode consultarse no buscador desta táboa:

EVOLUCIÓN DOS CASOS ACTIVOS POR ÁREA

Os casos activos de Covid-19 aumentan por segunda xornada consecutiva tras romper a tendencia ascendente o domingo pasado e elévanse a 530, ao haber máis contagios (27) que altas (21).

En concreto, as infeccións activas aumentan en cinco das sete áreas sanitarias: Lugo (+8), Ourense (+4), Ferrol (+2), Pontevedra e O Salnés (+1) e Vigo (+1), mentres que descenden nas da Coruña e Cee (-7) e Santiago e Barbanza (-3).

Por tanto, a área da Coruña e Cee mantense á cabeza, con 137 casos activos; seguida da de Ourense, con 115; Vigo, con 80; Pontevedra e O Salnés, con 60; Santiago e Barbanza, con 50; Lugo, con 46; e á cola segue Ferrol, con 42.

POSITIVOS HOXE E PRESIÓN HOSPITALARIA POR ÁREA

Galicia comeza novembro cun novo lixeiro aumento dos casos activos de Covid-19, que se sitúan en 530 --seis máis--, mentres descenden os contagios a 27 --seis menos-- e mantéñense 30 pacientes ingresados por este coronavirus. Pola súa banda, a taxa de positividade cae ao 0,96 por cento tras superar a Comunidade galega os 2,9 millóns de PCE realizadas desde o inicio desta pandemia.

Así se reflicte nos datos actualizados na mañá deste martes pola Consellería de Sanidade con rexistros ata as 18,00 horas deste luns 1 de novembro, nos que se indica que aumentan a seis os pacientes Covid ingresados en UCI --uno máis--, pero descenden a 24 os hospitalizados noutras unidades --uno menos--, mentres que 500 atópanse en seguimento no seu domicilio.

Por áreas sanitarias a presión hospitalaria alíviase na da Coruña e Cee, onde segue un paciente Covid en UCI, mentres baixan a cinco os ingresados noutras unidades --dúas menos-- e aumenta lixeiramente nas de Ourense, cun en críticos --a xornada pasada non tiña-- e sete noutras unidades, e Ferrol, que aínda que mantén un en UCI rexistra dúas noutras unidades --uno máis--.

Nas outras catro áreas sanitarias galegas non hai cambios en canto aos pacientes hospitalizados pola Covid. Deste xeito, a de Pontevedra e O Salnés segue sen ingresados en UCI e cun en planta; a de Lugo cun en cada caso; a de Santiago e Barbanza continúa cun en críticos e tres noutras unidades; e a de Vigo, cun e cinco, respectivamente.