Covid municipios: risco alto para Caldas de Reis e alza na área sanitaria de Ourense

No mapa da incidencia acumulada semanal de coronavirus por municipios mostra unha clara alza do covid en Caldas de Reis. Como se pode comprobar no buscador da táboa, hai cinco días non había nin un só caso á semana, hoxe son 10. 

Isto provoca que Caldas sexa o único municipio de todo Galicia con nivel de risco alto, por ter unha incidencia superior a 75 diagnósticos por 100.000 habitantes á semana, en vermello no mapa. 

Unha boa noticia é que Santiago de Compostela, unha das dúas cidades que perdeu recentemente o verde da nova normalidade, está a rexistrar un claro descenso. O seu cómputo semanal creceu ata 22 a principios de semana e baixou a 12. De seguir así, esta fin de semana podería recuperar a nova normalidade que domina case toda Galicia.

Nota metodolóxica.- Cando un municipio ten menos de 10 positivos á semana, a Xunta non concreta cantos diagnosticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. Esta opacidade afecta sobre todo os municipios máis pequenos, pois é onde é máis difícil que haxa 10 ou máis positivos a a semana. Con todo, en épocas de moi pouca incidencia de covid, esta opacidade afecta tamén a concellos máis grandes, porque as urbes empezan tamén a contar menos de 10 á semana. En todo caso, a Xunta si detalla o nivel de incidencia acumulada en cada municipio todos os días, polo que as cores do mapa se corresponde ao nivel actual  de alerta en semáforo covid para a incidencia acumulada en todos os concellos. 

VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de  1,01 ; o que quere dicir que na última semana houbo un   % menos de positivos que na penúltima. 

Municipios con máis de dez positivos á semana e onde os positivos están baixando desde un punto de vista semanal, pois a razón de taxas é inferior a 1: 

• Vigo 0,70
• Santiago de Compostela 0,77

Municipios con máis de dez positivos á semana e onde os positivos está estancada totalmente desde un punto de vista semanal, pois a razón de taxas é xusto 1: 

• Coruña (A) 1,00

Municipios con máis de dez positivos á semana e onde os positivos están subindo desde un punto de vista semanal, pois a razón de taxas é superior a 1: 

• Pontevedra 1,41
• Caldas de Reis 1,82

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.

Relación de concellos cun cómputo semanal maior de 10 e cuxo total de positivos na última semana sobe hoxe respecto a ese total onte: 

• Pontevedra +3 

Relación de concellos cun cómputo semanal maior de 10 e cuxo total de positivos na última semana baixa hoxe respecto a ese total onte: 

• Vigo -7
• Santiago de Compostela -6
• Coruña (A) -3

TODOS Os MUNICIPIOS

A evolución dos positivos en todos os concellos de Galicia pode consultarse no buscador desta táboa:

EVOLUCIÓN DOS CASOS ACTIVOS POR ÁREA

A nivel galego a tendencia de casos activos segue sendo de tranquilidade con leves vaivéns. A nivel de distritos, sorprende o +7 de hoxe en Ourense, pois é un dos rebotes máis significativos deste mes. 

A que se debe a alza no distrito ourensán? É imposible deducilo ante a opacidade dos datos da Xunta. Parece que non se debe, ou polo menos non totalmente, a ningunha subida en capital, pois a cidade segue con menos de 9 positivos semanais.

De feito, non hai ningún municipio en todo o distrito con máis de 10 positivos á semana. Como só onte saltaron 12 en toda o áera sanitaria, unha hipótese é que saltase algún brote escolar nalgún centro non urbano, ao que acoden alumnos de diferentes municipios.

As infeccións activas aumentan en tres das sete áreas sanitarias: Ourense (+7), Pontevedra e O Salnés (+3) e Ferrol (+1); baixan nas de Lugo (-7), Vigo (-6) e A Coruña e Cee (-3), mentres que se mantén sen cambios a de Santiago e Barbanza.

POSITIVOS HOXE E PRESIÓN HOSPITALARIA POR ÁREA

Nas últimas 24 horas confirmáronse 30 positivos a través de Probas de Detección de Infección Activa --algún coincide con contagios xa detectados que volven dar positivo--. Deles, 12 corresponden á área de Ourense; sete, á de Pontevedra e O Salnés; catro, á da Coruña e Cee; dous, á de Vigo; outros dous, á de Lugo; e dous, á de Santiago e Barbanza; mentres que na de Ferrol houbo un. 

Por áreas sanitarias, a presión hospitalaria alíviase en tres: A Coruña-Cee, Vigo e Lugo; mentres que se mantén sen cambios nas outras catro: Ourense, Ferrol, Pontevedra-O Salnés e Santiago-Barbanza.

En concreto, na da Coruña e Cee, aínda que seguen tres pacientes Covid en UCI, descenden a sete os ingresados noutras unidades --uno menos--, e na de Vigo continúa un en críticos e baixan a catro os de hospitalización convencional --un menos--.

No caso da área de Lugo, mantéñense tres pacientes ingresados pola Covid en UCI e xa non quedan hospitalizados noutras unidades, cando a xornada anterior había un.

Polo seu lado, mantéñense sen cambios na área de Santiago e Barbanza, que segue sen ingresados en UCI, e tres en planta; e na de Ourense, sen críticos e con dous noutras unidades.

Tamén a área sanitaria de Ferrol mantense sen pacientes en UCI e con dous ingresados en planta; mentres que na de Pontevedra e O Salnés hai só un hospitalizado en críticos.