A recente alza de positivos covid en Santiago débese a positivos na comunidade escolar, indica o SERGAS

|

Os últimos datos do coronavirus por concellos confirman un pequena pero relevante subida de positivos covid-19 no Concello de Santiago. Así, Compostela presenta unha razón de taxas de 1,58, o que quere dicir que na última semana houbo un 58% máis de positivos que na anterior.


Arquivo -  Grupo de escolares

Grupo de nenos camiño ao colexio nunha foto de arquivo


Con todo, a pesar desta importante subida en porcentaxe, as cifras absolutas son relativamente baixas. Iso si, creceron recentemente. Dos 24 positivos das últimas dúas semanas, 19 foron no últimos sete días. 


Preguntadas por Galiciapress fontes oficiais da Xunta polo repunte, desde a EOXI do SERGAS en Santiago que non hai ningún foco particularmente grande, só "varios casos en diferentes colexios".


Non é sorprendente que a comunidade escolar sexa un dos reservorios do coronavirus, dado que os menores de 12 anos non están vacinados. A consecuencia lóxica é que a incidencia entre os nenos é moi superior á existente entre a poboación xeral.


MÁIS CASOS ENTRE NENOS, PERO TAMÉN TENDEN Á BAIXA

Así, segundo os últimos datos do Ministerio de Sanidade -a Xunta non publica cifras por idades-, a incidencia acumulada a 14 días é de 20,2 positivos por cada 100.000 galegos menores de 12 anos, mentres que entre a poboación xeral é de só 7,8. É dicir, os nenos teñen soportan unha incidencia dúas veces e media superior á poboación en xeral. 


Afortunadamente, a tendencia entre os menores de 12 anos é tamén á baixa. Así, os datos a nivel de Galicia mostran que a incidencia a 14 días era de case 300 casos por cada 100.000 nenos a principios de mes.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE