Medio centenar de hortas urbanas nas proximidades do río Rato xa teñen adxudicatario

|

“Esta adxudicación fíxose a través dun proceso de concorrencia competitiva, non que primaron criterios sociais, como estar en situación de desemprego, ser representante dun centro educativo ou traballar para un colectivo social, ente outros", indicou o presidente provincial José Tomei.


110621 Tomu00e9 XG



A Deputación de Lugo asignou este venres, tras a xunta de goberno provincial, outros 54 hortos urbanos, na contorna do río Rato, de forma que xa ascenden a 109 as parcelas ocupadas.


Diso informou o presidente provincial, José Tomei, quen explicou que esta adxudicación fíxose a través dun proceso de concorrencia competitiva, no que primaron criterios sociais como vén sendo habitual. Así, entre outras cuestións, tívose en conta o estar en situación de desemprego, ser representante dun centro educativo ou traballar para un colectivo social, entre outros méritos de calado social".

"No mes de marzo entregamos xa 55 hortos urbanos do Rato entre os usuarios e usuarias que xa traballan neles e, con esta nova asignación de 54 parcelas, suman xa 109 os hortos adxudicados dos 150 habilitados", explicou para precisar que, para cubrir os outros que quedan libres, abrirase un novo procedemento nos próximos meses".

Na xunta de goberno tamén se aprobou "a licitación, por un importe de 54.450 euros, do contrato para a prestación do servizo de mudanza e traslado de diferentes servizos da deputación ao Hogar de Santa María, despois das obras que desde hai anos veñen facendo para rehabilitar varios pavillóns".

Unha vez concluídas os traballos no Hogar de Santa María "procédese agora á contratación do traslado de mobiliario e equipamento, das mudanzas dos servizos que van ir para alí". En concreto, trátase dos servizos de recadación, os de cooperación e asistencia aos concellos, o servizo de medio ambiente, formación e asistencia xurídica".

Tomei confía en que, a mediados de setembro, xa todos estes servizos fosen trasladados a ese complexo que queda ao carón da comisaría provincial, entre a Rolda da Muralla e a rúa Chantada na cidade de Lugo.

No mesmo encontro do goberno provincial, avanzouse na posta en marcha do programa LugoTermal, coa adxudicación do contrato con tres balnearios da provincia; o da cidade amurallada, o de Palas de Rei e Pantón.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress