Os casos activos de coronavirus en institutos e escolas empezan a caer tras varias semanas de ascenso

Hoxe é o segundo día que baixan os casos activos de coronavirus entre a comunidade educativa non universitaria do país. Non pasaba algo así desde o 28 de abril.

Os casos activos en centros educativos non universitarios e escolas infantís de Galicia sitúanse en 584, o que supón 35 menos que na xornada anterior. Con todo, as aulas pechadas ascenden a 34, unha máis, segundo datos das consellerías de Educación e Sanidade.

DATOS POR ÁREAS
No informe deste venres, as infeccións activas en centros educativos redúcense en todas as áreas, salvo na de Lugo (un caso máis). Baixan en: Pontevedra (-15), Vigo (-9) A Coruña (-5), Santiago (-4), Ferrol (-2), Ourense (-1).

A área de Vigo segue un día máis á cabeza con 193 casos activos --nove menos--. Hai 18 aulas pechadas --unha máis--, catro delas continúan pechadas por catro contagios no IES San Paio de Tui e outras dúas por nove positivos na Escola Infantil Santa Isabel da cidade olívica, a que rexistra máis casos nesta área.

Escola Infantil Santa Isabel de Vigo nunha foto de Google Street View

As outras aulas clausuradas atópase en: E.I. Kid's Garden en Vigo (dúas aulas pechadas); CEIP de Fonte Escura, en Vigo (dúas aulas); E.I. Rúa Palencia Vigo (unha aula); o EEI Vila Laura, en Vigo (unha aula); CPR Plurilingüe Monterrey, en Vigo (unha aula); a escola infantil de Ponteareas (unha aula); a escola infantil de Moaña (unha aula); CPR Plurilingüe Compañía de María, en Cangas (unha aula); o CEIP Doutor Suárez, en Fornelos (unha aula); CEIP Mestre Valverde Maio, en Mos (unha aula).

Séguelle a área de A Coruña con 156 casos activos --cinco menos--. Mantense con cinco aulas pechadas, delas tres clases clausuradas no CEIP Plurilingüe Isidro Parga Pondal de Oleiros por 27 positivos, que supoñen o maior número de entre todos os centros de Galicia. As outras dúas aulas pechadas están no CEE Nosa Señora do Rosario, na Coruña, e no CEIP Vicente Otero Valcárcel, en Carral.

Mentres, na área de Pontevedra baixan a 92 as infeccións activas --15 menos--. O CEIP de San Roque de Vilanova de Arousa segue como o máis afectado, con 9 contagios --cinco menos--. Agora hai tres aulas pechadas --unha menos--: as escolas infantís Bamby e Toxo, en Pontevedra, así como o CEIP de Seixo, en Marín.

Pola súa banda, a área sanitaria de Santiago o é único que conta con un centro clausurado ao completo, trátase da escola infantil Santa Susana, que pechou despois do positivo dunha traballadora de apoio. O Sergas chamará para facer probas aos 70 nenos e 18 profesionais que se atopan en corentena. Na relación enviada hoxe polo SERGAS só aparece o positivo da traballadora.

A área de Santiago conta con 77 positivos en centros educativos --catro menos-- e segue con catro clases pechadas. Hai tres centros que contan con cinco casos activos: IES do Milladoiro, en Ames; CPR Plurilingüe Jaime Balmes, en Noia; e o IES nº1 de Ribeira.

Polo seu lado, a área de Ourense ten 28 casos activos --un menos-- de covid-19. O que máis concentra é o IES O Ribeiro en Ribadavia, con catro.

Lugo acumula un total de 29 --un máis--. Hai unha aula pechada en o IES Val do Asma, en Chantada, con cinco infectados, mesma cifra que en o IES A Pinguela, en Monforte.

Finalmente, Ferrol segue como o áreas con menos caso, 10 --dous menos--. Ningún centro pasa de dous casos. Atópanse dúas aulas pechadas.