Traballadores de Renfe protestan en Santiago en defensa da calidade dos postos de traballo
Os traballadores de Servizos Auxiliares e Atención ao Cliente da sociedade pública Renfe levan tempo mobilizándose en toda España esixindo a subrogación do persoal.
Concentración este venres ante a estación de Santiago
Santiago acolleu este venres unha mobilización para esixir a continuidade de todo o persoal de servizos auxiliares e de atención ao cliente de Renfe.
O sector ferroviario dos sindicatos CC.OO. e CXT participaron na concentración, ante a estación de tren compostelá, para esixir o mantemento do emprego nun servizo que na actualidade prestan empresas privadas.
PRECARIZACIÓN
Ducias de persoas protestaron nas escaleiras da terminal santiaguesa para reivindicar a subrogación dos traballadores afectados.
"Desde que o grupo Renfe anunciou a posibilidade de asumir os traballos de servizos en terra e servizos auxiliares e de atención ao cliente a través da súa filial LogiRAIL, CC.OO. non deixou de esixir que o proceso garantise os postos de traballo e as condicións laborais apostando polo emprego público sempre que non implique precarización", subliña esta central.
Escribe o teu comentario