Soprendido 'in fraganti' un home prendendo un incendio forestal queimando un colchón
Un home foi detido na localidade coruñesa de Padrón tras ser sorprendido mentres tentaba iniciar un incendio forestal nun monte prendendo lume a un colchón.
O incendio chegou a prender, pero só queimou uns 300 metros cadrados de monte, antes de que o sorprendese a Policía Autonómica
O individuo foi arrestado tras ser localizado por axentes da Policía Autonómica na tarde do pasado xoves, segundo informa este venres a Xunta nun comunicado.
O detido foi sorprendido 'in fraganti' cando iniciaba o incendio, que chegou a afectar a uns 300 metros cadrados de superficie de monte raso.
Con todo, a intervención da Policía Autonómica, desarollada en colaboración con axentes ambientais, impediu que as chamas se expandisen ao monte.
O arrestado quedou ao dispor do xulgado de instrución de garda de Padrón, onde prestou declaración.
No que vai de ano, doce persoas foron detidas pola Policía Autonómica como supostos responsables de incendios forestais.
Escribe o teu comentario