Darias: "moita preocupación" pola ocupación de UCIs e o "lento pero constante" crecemento do covid

Pese ao evidente repunte da enfermidade, a ministra defende as decisións de Semana Santa.

A ministra de Sanidade, Carolina Darias, mostrou "moita preocupación" pola alta ocupación das unidades de coidados intensivos (UCI) por pacientes con COVID-19, que se sitúa xa no 21,56 por cento do total de camas de críticos dispoñibles.

"Dános moita preocupación a ocupación das UCI. É un dos indicadores que máis nos preocupa porque moitas comunidades autónomas veñen dunha ocupación bastante altura durante moito tiemo. A media está en 21,56 por cento pero algunhas están en torno ao 40 por cento. Por tanto, máxima precaución", explicou en rolda de prensa este mércores tras o Consello Interterritorial do Sistema Nacional de Saúde (CISNS).

Por comunidades, Galicia é a que presenta o mellor dato de ocupación de UCI por pacientes covid, co 3%. Nada que ver con Madrid, por exemplo, que xa está por encima do 40%.

A ministra indicou que durante a reunión os conselleiros de Sanidade autonómicos transmitíronlle que se están observando "estancias en UCI agora máis longas e costa máis saír delas".

Por outra banda, lamentou a "tendencia ascendente" desde hai unhas semanas da incidencia a 14 días por 100.000 habitantes, que hoxe superou a cifra de 200 tras situarse por baixo de 150 antes de Semana Santa.

Neste sentido, a ministra defendeu que o plan de restricións por Semana Santa foi "necesario e oportuno". "Temos que ver o alcance do incremento da incidencia", precisou, suxerindo que sen estas restricións a situación sería máis grave agora.

Darias chamou a atención sobre o ritmo de crecemento "lento pero continuo", aínda que esgrimiu que a situación "é bastante variable" entre as comunidades autónomas. "Ademais das dúas cidades autónomas, Navarra é a rexión que ten a maior incidencia acumulada, séguelle Madrid.

Darias lembrou que hai nove comunidades autónomas que presentan incidencias por encima de 200, con algunhas delas mesmo "por encima de 400 e 300". Mentres tanto, outras catro CCAA están por baixo de 100. Por iso, pediu a "todas as comunidades autónomas que sigan as medidas incluídas no documento de actuacións coordinadas, o coñecido como o semáforo", co obxectivo de "estar por baixo dos 50 casos de incidencia acumulada en 14 días".

En  a comparativa a 14 días, Galicia sae moi ben parada. É a terceira comunidade con menos incidencia acumulada, menos da metade que a media española: