AstraZeneca insiste en que "non hai probas" de que a súa vacúa aumente o risco de coágulos

A pesar da decisión de varios gobernos europeos de paralizar as vacinacións con este fármaco, na compañía aseguran que non existen evidencias concluíntes para pensar nese risco.

En Galicia a vacinación ás persoas de entre 50 e 55 anos comezou o pasado sábado coa primeira dose desta vacina, que mantén o apoio da OMS para o seu uso. 

En Galicia segue a vacinación con dose de AstraZeneca | Foto: EP

A farmacéutica británico-sueca AstraZeneca asegurou este domingo que "non hai probas" de que a súa vacina contra o coronavirus provoque un incremento do risco de coágulos en sangue a pesar da decisión de varios países de suspender a súa utilización como medida de precaución.

A empresa asegura que realizou "unha revisión minuciosa" dos datos dispoñibles sobre quen recibiu a vacina en Reino Unido e a UE.

"Uns 17 millóns de persoas da UE e Reino Unido recibiron xa a nosa vacina e o número de casos de coágulos dos que se informou entre este grupo é inferior á media que se pode esperar na poboación en xeral", explicou a farmacéutica a través dun comunicado asinado pola súa xefa médica, Ann Taylor.

"A natureza da pandemia incrementou a atención sobre casos individuais. Estamos a ir máis aló das prácticas habituais de seguridade de seguimento de medicamentos autorizados sobre casos de incidentes vacunales para garantir a seguridade pública", engadiu Taylor.

Irlanda e a rexión italiana do Piamonte foron os últimos en anunciar a suspensión do uso da vacina de AstraZeneca tras facer o propio Austria, Dinamarca, Estonia, Lituana, Noruega, Islandia e Tailandia. Con todo, a Organización Mundial da Saúde (OMS) asegurou este venres que "non hai razón para non usar" a vacina de AstraZeneca contra a COVID-19.