O virus empeza a baixar nunha A Coruña onde a metade dos convocados foron ao cribado

A incidencia acumulada na Coruña empeza a baixar a pesar das case 5.000 probas extras completadas o o macrocribado da fin de semana. 

Só o 49,8% dos convocados presentouse ás probas. Ou moitos non actualizaron o seu número de teléfono no SERGAS (os avisos mandáronse por SMS), ou unha gran parte da poboación non está polo labor de combater o virus, ou as dúas cousas á vez.

O cribado poboacional realizado esta fin de semana no recinto feiral ExpoCoruña detectou 14 positivos tras as probas realizadas a 4.878 persoas, dun total de 9.786 citadas, segundo informou a área sanitaria da Coruña e Cee.

COMO ESTÁ A UCI?

Nestes momentos, nesta área hai 427 ingresados: 79 en UCI no Complexo Hospitalario Universitario da Coruña (Chuac) e 316 en planta; en Quirón: tres en UCI e dúas en planta; Modelo: catro en UCI e 12 en planta e en Cee, once en planta.

Por outra banda, nesta xornada, a xefa do Servizo de Medicina Preventiva do Complexo Hospitalario Universitario da Coruña (Chuac), María José Pereira, instou á cidadanía para "quedarse na casa" e a "minimizar os contactos sociais". "É un problema de toda a sociedade, só co esforzo de todos podemos conseguir sobrepoñernos", insiste. 

O CHUAC, CONTRA As CORDAS

O venres unha compañeira de oncoloxía xa tachada a situación de crítica. Desgraciadamente, aínda que se confirme a caída de positivos, non haberá alivio nas plantas do CHUAC ata, con sorte, finais desta semana. A hipotética melloría nas saturadas UCIs queda aínda máis lonxe, a semanas vista.