Identificado o home que presuntamente abateu ilegalmente a tiros a unha loba na Estrada

|

As investigacións iniciadas por axentes ambientais levaron á detención dun home como presunto responsable de abater ilegalmente a unha loba na Estrada.


O investigado enfróntase á apertura dun expediente sancionador que podería supoñer a imposición dunha sanción de entre 601 e 6.000 euros e á retirada da arma de lume.


Loba aprafoga




O exemplar de lobo cazado na Estrada | Foto: APRAFOGA


Axentes ambientais lograron identificar o home responsable de abater a tiros a unha loba, cuxo cadáver apareceu este domingo nun monte da Estrada (Pontevedra).


Fuentes da Consellería de Medio Ambiente trasladaron a Europa Press que a necropsia practicada ao corpo na Facultade de Veterinaria de Lugo confirmou que o animal faleceu por mor de dous disparos de bala.

O departamento autonómico destacou a "axilidade e profesionalidade" dos investigadores para localizar ao culpable, que recoñeceu ante os axentes a autoría dos feitos.

O home enfróntase á apertura dun expediente sancionador que podería supoñer a imposición dunha sanción de entre 601 e 6.000 euros e á retirada da arma de lume.


O corpo da loba foi achado por dous excursionistas nas inmediacións do Monte do Penedo. Galicia Ambiental denunciou o domingo en redes sociais o achado e relacionouno cunha caza celebrada na zona "horas antes".

A asociación animalista Libera denunciou os feitos e lamentou que se trata de "a segunda baixa" coñecida desta especie animal "no que vai de mes" en Galicia, tras a aparición dun exemplar atropelado o pasado 9 de xaneiro.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress