Covid Galicia: Medias de positivos en máximos pero empeza a controlarse a taxa de positividade

|

Os últimos datos de coronavirus en Galicia son moi malos. Con todo, son os menos horribles dos últimos días. 

Mesmo hai boas noticias, por vez primeira en meses cae o número de pacientes nunha área sanitaria, en concreto en Santiago. Ademais, a curva da taxa de positividade está aplanándose.


Os 1.323 positivos confirmados por PCR onte é a mellor cifra dos últimos 4 días. Con todo, tamén é o cuarto día consecutivo que os diagnósticos superan os 1.000. Isto provoca que as medias sigan disparadas.


Así, a incidencia acumulada semanal bate outra vez o seu récord subindo de 313 a 320 positivos por cada 100.000 galegos á semana. Abrindo o plano a dúas semanas, a incidencia tamén está en máximos, 564, que é máis do triplo da que había en Fin de Ano.





A que si está aplanándose é a curva da taxa de positividade, que de feito hoxe cae do 10,9% ao 10,7%; en parte grazas ao 10,6% de positivos de onte. A esta contención tamén contribúe que o SERGAS xamais fixo tantas PCRs, a media semanal está en case 11.500.


Ou05Mn taxa de positividade de coronavirus en galicia  (1)




EVOLUCIÓN DOS CASOS ACTIVOS


Galicia bate o seu máximo de infectados con case 19.000 hoxe. Con todo, o crecemento desde onte, 706, é o menor desta semana. De feito, o crecemento porcentual, 3,6%, é o mellor desde o 2 de xaneiro.





Isto contribúe a que a media semanal da porcentaxe de cambio diario baixe outro chanzo, ata un crecemento diario do 6,2%; o seu mellor rexistro desde o 11 de xaneiro.


CONCLUSIÓNS


Con todas estas cifras sobre a mesa pódese inferir:



  • As cifras de hoxe supoñen un alivio fronte á tolemia de ascensos rexistrada desde o martes. Con todo, sería temerario concluír que estamos ante un próximo cambio de tendencia.
  • Galicia segue atopando máis de 1.000 positivos ao día cunha taxa de positividade superior ao 10%. Empezou a semana cuns 500 hospitalizados en cama convencional e termínaa con máis de 900. O SERGAS non pode soportar tales incrementos moito máis sen colapsar.
  • En teoría, mañá a Xunta debería endurecer de maneira moi notable as restricións. É probable que moitos máis concellos queden baixo as "restricións máximas con medidas excepcionais" que xa soportan Viveiro, Arteixo e   Xinzo. Limitacións que, por certo, empezan a mellorar as cifras deses municipios.


ÚLTIMOS DATOS POR ÁREAS

A Coruña é outra vez a área sanitaria que máis positivos achega, 390 dos 1.325. É case o 30% do total, máis do que lle corresponde polo seu tamaño. 





Por vez primeira en moitos días hai unha área sanitaria por baixo dos 100 novos diagnósticos, Ferrol. 


Ademais, por vez primeira desde o 9 de decembro hai unha área que baixa en casos activos, Santiago. Máis información en detalle a nivel municipal e de área sanitaria nuns minutos en Galiciapress.



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress