Unha gran festa de aniversarios nunha cafetería de Vigo acaba co desaloxo dos seus 21 integrantes

Os participantes na festa foron sancionados por non usar máscara nin respectar a distancia de seguridade no soto do local. 

A maiorías das persoas alí reunidas non eran conviventes e foi a Policía Local a encargada de intervir na festa.

A Policía Local de Vigo desaloxou esta fin de semana unha festa de aniversarios que se estaba celebrando nunha cafetería, fóra do horario permitido, con 21 persoas de varios núcleos conviventes distintos, e na que non se respectaban as distancias nin se usaba máscara.

Así o confirmou en rolda de prensa o alcalde, Abel Caballero, quen explicou que o 092 recibiu un aviso á primeira hora da tarde deste domingo, alertando da entrada dun grupo numeroso de persoas nunha cafetería para celebrar unha festa de aniversarios.

Pasadas as 17,00 horas, unha patrulla da Policía Local presentouse no establecemento e comprobou que, nun soto, congregáronse 21 persoas, moitas delas non conviventes, e que non usaban máscaras nin respectaban a distancia de seguridade, polo que se tramitaron as correspondentes propostas de sanción.