Fin á folga do bus en Vigo tras comprometerse Vitrasa a contratar seis condutores máis

Os traballadores demandaban que a empresa debería contratar máis persoal para reforzar o servizo en hora punta.  Conseguírono, aínda que sexa parcialmente. Ademais, non lles cambiasen os seus horarios.

O comité de persoal de Vitrasa, concesionaria do bus urbano de Vigo, acordou nas últimas horas desconvocar a folga que ía iniciar este martes, tras "dar marcha atrás" a empresa na súa intención de modificar as xornadas de traballo de parte do persoal.

Unha pasada mobilización dos traballadores de Vitrasa fronte ao Concello de Vigo nunha imaxe da CIG

Segundo informou o sindicato CIG (que preside o órgano de representación dos traballadores) nun comunicado, a empresa desistiu da súa intención de modificar substancialmente as condicións de traballo e aceptou restablecer as xornadas completas que convertera en xornadas partidas (para reforzar as liñas e cumprir as restricións de aforo con motivo da pandemia).

LONGA NEGOCICACIÓN

O sindicato sinalou que o acordo coa concesionaria chegou "tras sete horas de negociación", e confirmou que, desde leste mesmo martes, retomaranse os horarios que foron modificados o pasado 12 de novembro, de modo que o persoal afectado poderá volver á súa xornada habitual.

Así mesmo, comité e empresa tamén pactaron a contratación de de seis traballadores a tempo parcial para cubrir os reforzos necesarios nas liñas, mentres duren as restricións de aforo ou, como moi tarde, ata o 8 de xaneiro.

DEMASIADAS HORAS EXTRA

A CIG valorou o acordo, que permite desconvocar os paros que ían ter lugar durante once días do mes de decembro (varias paradas de dúas horas ao longo de cada xornada), aínda que puntualizou que a contratación de persoal de reforzo a tempo parcial é "insuficiente", e lembrou que os empregados de Vitrasa "seguen facendo un número moi elevado de horas extra".