Nuñez Feijóo abre a porta a desconfinar "algúns territorios" a tempo do ponte da constitución
O presidente da Xunta, Alberto Núñez Feijóo, expresou este luns a súa confianza en que, se a evolución das cifras da pandemia nesta e a próxima semana seguen a tendencia actual, poder levantar o peche perimetral e da hostalería en "algúns territorios" da Comunidade.
A Xunta está a lanzar mensaxes contraditorias sobre a evolución do coronavirus. O xerente do SERGAS declarou esta fin de semana en Radio Galicia que a situación non mellorara tanto como estimaban cando impuxeron as restricións. Pola contra, hoxe o presidente móstrase esperanzado de poder abrir algúns concellos en menos de dúas semanas.
O certo é que a evolución de Galicia no seu conxunto non é para lanzar foguetes. Caen as medias de contagios e positividade, pero de forma leve e recente. Iso si, a situación é moi dispar en función das diferentes áreas, mesmo en función dos concellos da mesma área. Empeorou en comarcas como Bergantiños, Val Miñor e A Costa da Morte.
Noutras zonas comarcas a situación mellorou notablemente, como nas de Ourense e Santiago, onde o alcalde móstrase esperanzado de poder reabrir a hostalería de Compostela. Feijóo tamén deixou hoxe a porta aberta a aliviar a presión sobre os hostaleiros e sobre os territorios que máis melloren nas dúas próximas semanas, a tempo do ponte da constitución.
"Se esta semana e a próxima semana as cousas van como foron nas últimas, haberá algúns territorios, ou bastantes territorios, que hoxe están perimetralmente pechados e onde tamén está pechada a hostalería, que poidan abrir tanto a hostalería como o seu ámbito territorial", dixo o presidente galego, a preguntas dos xornalistas durante un acto en Cáritas Pontevedra.
O EXEMPLO DO CARBALLIÑO
Así, Feijóo destacou que, no balance global de evolución da pandemia, hai este luns menos infectados en Galicia que fai sete días, polo que o Goberno galego alberga "a esperanza de poder, da mesma forma que no Carballiño, en determinados concellos, en determinadas zonas, poder ser máis xenerosos coa apertura da hostalería".En todo caso, lembrou que se trata dunha "esperanza" e que "en ningún caso" pode asegurarse que isto vaia a ser así. Devandito isto, animou a seguir traballando con "o maior rigor e prudencia posible", tendo presente que "a saúde é un ben prioritario para calquera administración pública", polo que calquera decisión que se adopte estará guiada "exclusivamente por datos epidemiolóxicos e datos clínicos".
A día de hoxe, segundo o presidente da Xunta, "as cousas están mellor, pero non están o suficiente ben como para poder dar ningunha confirmación" das decisións que se tomarán a "dez días vista".
Escribe o teu comentario