O PP a piques de derrubar a Jácome da alcaldía co apoio dos críticos de Democracia Ourensá
Como adiantou onte Galiciapress, os conservadores poden botar ao polémico alcalde sumando o apoio dos concelleiros localistas opostos a Jácome e Cidadáns. Hoxe xa deron o primeiro paso, ao abandonar o executivo local.
Como adiantou onte Galiciapress, os conservadores poden botar ao polémico alcalde sumando o apoio dos concelleiros localistas opostos a Jácome e Cidadáns. Hoxe xa deron o primeiro paso, ao abandonar o executivo local. Antes Jácome quitara as competencias a dúas dos cinco críticos.
O goberno local de Ourense experimenta un novo episodio da crise co anuncio do PP, os socios de goberno do alcalde, Gonzalo Pérez Jácome, de "suspender" o pacto de goberno. Ademais, "devolven" todas as súas competencias e instan o rexedor a "reaccionar inmediatamente" en público.
Precisamente, Pérez Jácome vén de retirar as competencias aos concelleiros Miguel Caride e Manuel Álvarez, críticos coa xestión dos fondos da partido Democracia Ourensá (DO), por "perda de confianza", "indisciplina" e "falta de disposición para buscar unha solución".
Na mesma nota de prensa, o Consistorio ourensán anunciou a destitución de Caride como membro e concelleiro-secretario da xunta de goberno, tras coñecer a semana pasada, así mesmo, a súa substitución como portavoz municipal.
O RETORNO DE JESÚS VÁZQUEZ
En rolda de prensa urxente este martes, o senador e exalcalde de Ourense popular, Jesús Vázquez, explicou as razóns para suspender o pacto de goberno, asegurando que "o principio de confianza rompeu". "Non podemos entender a pasividade do alcalde", dixo.
Escribe o teu comentario