"Familias en folga" chama a non ir a clase ata que os centros sexan seguros, a pesar da advertencia do Fiscal

As nais e pais críticos coa volta ás aulas empezan a autoorganizarse en Galicia. O colectivo Familias en Folga acaba de publicar un chamamento para que os nenos non acudan ao colexio ata que os centros sexan "seguros, xustos e non perdan valor educativo".

Nun manifesto denuncian que as condicións fixadas pola Xunta non son suficientes. Punto de vista que, por certo, comparten a maioría de sindicatos de profesores, de diversas ideoloxías ademais, que son os convocantes de unha folga para o primeiro día lectivo. 

Entrada ao selectivo este verán

PROPOSTAS

Os dous colectivos, proxenitores e mestres, demandan á Xunta que invista máis en persoal. Familias en Folga reclaman polo menos un novo contrato por cada tres unidades docentes.  Ademais, solicitan a incorporación dun "persoal sanitario" que coordine os protocolos contra o coronavirus en cada centro. 

O traslado das clases a espazos abertos sempre que sexa posible e a diminución da carga curricular e de horas lectivos son outras das propostas lanzadas desde este grupo.

 INSTITUCIÓNS NON QUEREN APRAZAR O CURSO

O inicio do curso o próximo día 10 estará marcado pola polémica. Son numerosas as localidades galegas nas que a propia Xunta prohibe reunións de máis de 10 persoas non conviventes. 

A pesar diso, o Goberno Gallego non parece disposto a ceder ás presións. A Xunta comparte parecer co Goberno de España e mesmo a Fiscalía Xeral do Estado.

Hai que lembrar que onte o Ministerio Fiscal  advertiu que iniciaranse accións penais contra aqueles pais ou titores que permitan o absentismo escolar presencial dos seus fillos ao colexio de forma repetida e sen xustificación clara ante a pandemia do Covid-19.