Unha nova vitoria de Feijóo en Xénova? Casado "cede" ante a liña moderada e cesa a Álvarez de Toledo como portavoz

Cambio de rumbo no Partido Popular. O líder da forza política, Pablo Casado, anunciou onte a substitución de Cayetana Álvarez de Toledo, moi criticada polo á moderada do partido, como portavoz do Grupo Popular no Congreso.

Álvarez de Toledo mantiña unha guerra aberta pero silente con Feijóo, que admitiu publicamente a incomodidade que lle espertaban algunhas das posturas adoptadas pola ata o de agora portavoz nos seus intervencións parlamentarias e nos debates televisivos.  

O PP decidiu relevar a Cayetana Álvarez de Toledo como portavoz do Grupo Popular no Congreso e nomeará no seu lugar a Cuca Gamarra, ata o de agora vicesecretaria de Política Social do partido.

Segundo informou o PP, o presidente do partido, Pablo Casado, convocou o vindeiro xoves á Xunta Directiva Nacional, máximo órgano entre congresos, para explicar nunha reunión telemática a substitución da portavoz e os cambios que conleva no equipo directivo.

Así, Álvarez de Toledo será relevada como portavoz por Concepción Gamarra, e esta á súa vez será substituída como vicesecretaria de Política Social por Ana Pastor, a vicepresidenta do Congreso que xa exerceu como portavoz do Grupo Popular na Comisión de Reconstrución tras o coronavirus.

Os cambios no partido materialízanse apenas un mes despois das eleccións galegas do 12 de xullo, nas que Alberto Núñez Feijóo revalidou e ampliou a súa maioría absoluta, o que lle permitirá ser investido presidente da Xunta por cuarta vez o 3 de setembro.

O dirixente galego, que evidenciou publicamente en varias ocasións as súas discrepancias con Álvarez de Toledo, é unha das voces que reivindicou o discurso moderado e o centro para o PP.

E ALMEIDA, PORTAVOZ DO PARTIDO 

Ademais, o presidente do PP decidiu promocionar ao alcalde de Madrid, José Luis Martínez-Almeida, outorgándolle o posto de portavoz nacional do Partido Popular

Nun breve comunicado, Casado agradeceu a Cayetana Álvarez de Toledo o seu labor á fronte do Grupo Parlamentario Popular no Congreso, e manifestoulle o seu desexo de que siga contribuíndo a este proxecto tan importante para o futuro de España.

Álvarez de Toledo, nacida en Madrid en 1974, foi a aposta de Pablo Casado para portavoz do Grupo Popular tras as eleccións de abril de 2019, nas que foi cabeza de lista por Barcelona, renovou escano e cargo nos comicios de novembro pero agora, un anos despois do seu nomeamento, foi relevada.

A súa substituta, Concepción Gamarra foi alcaldesa de Logroño e nas primarias estivo á beira de Soraya Sáenz de Santamaría, aínda que o equipo de Casado a repescó para a dirección como vicesecretaria de Política Social.