Un centro de día para anciáns pechado tras o positivo dunha usuaria nas Neves (Pontevedra)

|

Seguen abertos por agora a escola Galiña Azul e o Centro de Saúde local, a pesar de que comparten localización co Centro de Día na Rúa Laredo das Neves


O positivo por coronavirus dunha muller obrigou, seguindo o protocolo das autoridades sanitarias, a pechar un centro de día na localidade pontevedresa das Neves, e a illar ao resto de usuarios e aos traballadores.


Entrada ao recinto do Centro de Du00eda das Neves, que comparte ubicaciu00f3n co centro de saúde local

Entrada ao recinto do Centro de Días das Neves, que comparte localización co centro de saúde local 



DÚAS XORNADAS SEN ACUDIR  

Segundo confirmaron a Europa Press fontes de Política Social, a usuaria afectada é unha muller que "levaba dous días sen acudir ao centro" e que este xoves soubo que ten COVID.

As mesmas fontes sinalaron que, seguindo os protocolos establecidos, pechouse o centro e déronse indicacións de illamento ao resto de usuarios e aos traballadores. A todos eles estánselles realizando probas PCR para confirmar se resultaron infectados.


UN SERVIZO DA XUNTA E O MUNICIPIO

O centro de día das Neves, xestionado polo Consorcio Galego de Servizos de Igualdade e Benestar, conta con 25 prazas, aínda que nestes momentos só estaban dispoñibles a metade polas restricións de aforo e non estaban todas cubertas. Así mesmo, ten 10 traballadores en persoal, aínda que Política Social non precisou cal é o número de empregados illados.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress