Cancelado o Festival Noroeste polas novas medidas sanitarias contra o coronavirus
O Concello da Coruña cancelou o Festival Noroeste Estrela Galicia, que comezaba na noite deste venres, tras as novas medidas sanitarias anunciadas polo Sergas este mediodía.
Sanidade cancela a celebración de festexos en 9 concellos da área sanitaria, o que impide un festival que xa apostara por reducir o seu formato respecto a outras edicións
Fontes municipais confirmaron a decisión e avanzan que están a estudar se anularán tamén o resto do programa de festas.
O programa do festival para esta noite incluía os concertos de Triángulo de Amor Bizarro na praza de María Pita ou de Laura Lamontagne&Picoamperio no parque de Santa Margarita, entre outros. Os eventos estendíanse ata o domingo pola noite nunha versión XS, reducida, do festival, que chegaba á súa edición número 34 este ano.
Escribe o teu comentario