Contaxio en Marineda City obriga ao peche a unha das tendas de Inditex do centro comercial da Coruña

|

Unha traballadora de Lefties deu positivo este mércores, pero non foi a traballar xa desde o pasado sábado. A Xunta fala de "caso illado", sen conexión coñecida co rebrote de Arteixo.


Segundo informaron fontes consultadas por Europa Press, a traballadora non acudiu ao seu posto de traballo desde o pasado sábado e, tras coñecer este mércores que o resultado da proba foi positivo, procedeuse ao peche das instalacións para realizar unha desinfección.



Marineda

 Imaxe de arquivo do maior centro comercial de Galicia




EN CORENTENA EN CASA DESDE O SÁBADO

Ademais, estas fontes precisaron que os responsables comunicaron o sucedido ao resto do persoal e ao persoal que estivo en contacto coa traballadora para facerse a respectiva proba.

Todo iso, indican, seguindo os protocolos marcados polo Servizo Galego de Saúde (Sergas) e en coordinación co centro comercial.

Pola súa banda, outras fontes consultadas por Europa Press detallaron que se trata dun caso illado, que segue a corentena no seu domicilio.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress