Zonas da Coruña, camiño do illamento a pouco que suba o seu ritmo de novos contaxios de coronavirus

|

A Xunta estableceu uns límites de novos positivos para cada área sanitaria, en función da súa poboación, para decretar o nivel de alerta vermello. 


Se na Coruña detecta 58 contaxios no próximos tres días, alcanzará ese nivel. Por tanto, en teoría, Sanidade debería illar a zona. Algo que sucederá a nada que aumente o seu actual ritmo de positivos, pois "en área sanitaria da Coruña rexistráronse 56 novos casos en tres días". 


C4twL coronavirus casos activos no rea sanitaria da coru a




Son datos publicados polo doutor Luís Vázquez, director técnico do laboratorio dun hospital herculino e especialista en análises clínicas.





No últimos tres días o SERGAS informou dun aumento de 31 casos activos nesa área sanitaria. Agora ben, ese dato non permite percibir claramente o acelerón do COVID-19 na Coruña, pois está enmascarado por 25 altas. 





MÁIS FOCOS QUE MEICENDE E OLEIROS

Deses 56 positivos no últimos tres días en todo a área sanitaria, a maioría proceden do brote vinculado a un ximnasio de Meicende e a unha discoteca de Oleiros. Os positivos dese brote subiron a 39 este domingo, oito máis que na xornada do sábado, informou o Servizo Galego de Saúde (Sergas).


Por tanto, na Coruña apareceron 17 positivos no últimos tres días que están en teoría á marxe do rebrote do ximnasio. En A Laracha, onde dous establecementos de hostalería, Cristal Pizzería Asador na Baña e Lareira do Pacheco en Cancelo Medio, baixaron onte a persiana tras confirmar positivos entre os seus clientes habituais, segundo A Voz.  Non está claro se eses positivos teñen que ver co foco de Meicende e Oleiros. 


O seguimento dos contactos que se está levando a cabo a área sanitaria da Coruña e Cee en relación a este brote e as súas ramificacións noutras zonas da área sanitaria levou a realizar 425 PCR na xornada do sábado. 


Ante a "posibilidade de novos contagios", a Consellería de Sanidade informa que segue coas tarefas para localizar contactos e tratar de evitar novas infeccións. É dicir, a Xunta non dá o brote por delimitado.


O PRECEDENTE DA MARIÑA

Este brote é o segundo maior rexistrado polo momento en Galicia, tras o da comarca da Mariña, en Lugo. Alí Sanidade decretou o confinamento en o 5 de xullo,  cuns 106 casos activos confirmados entre unha poboación de 71.000 habitantes. Na área herculina hai 118 casos activos agora, pero a súa poboación é moito maior que a da Mariña, pois unhas 547.000 persoas viven na área herculina, turistas a parte


Tamén o é o seu extensión, polo que de, haber algún illamento, suponse que, polo menos en principio, non tería porque afectar a toda a área sanitaria, só ás zonas onde o SERGAS detectase altos niveis de transmisión comunitaria.


ORIXE DO REBROTE

A orixe do brote de Meicende sitúase nun usuario dese gimmasio que tamén traballa como porteiro dun pub de Santa Cruz, en Oleiros (A Coruña), local que xa foi pechado a pasada semana.

Ademais, entre as persoas que deron positivo vinculadas a este foco están un vixiante do centro cívico de Monte Alto, na Coruña, e un traballador do matadoiro municipal da mesma cidade.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress