Xornada difícil para os socorristas: tres persoas rescatadas no Grove e Ribeira
Os socorristas sacaron da auga a tres persoas en dous operativos de rescate organizados nas praias da Lanzada, no Grove (Pontevedra), e Coroso, en Ribeira (A Coruña). En ambos os casos, os afectados atópanse en bo estado e chegaron á beira sen maiores dificultades, segundo confirma o 112 Galicia.
Os socorristas sacaron da auga a tres persoas en dous operativos de rescate organizados nas praias da Lanzada, no Grove (Pontevedra), e Coroso, en Ribeira (A Coruña). En ambos os casos, os afectados atópanse en bo estado e chegaron á beira sen maiores dificultades, segundo confirma o 112 Galicia.
A central de emerxencias recibiu un primeiro aviso sobre as 16,30 horas por parte dun bañista que alertaba dun surfeiro que se atopaba en apertos na praia de Coroso. Ademais, a persoa que o acompañaba botouse á auga para socorrelo, pero finalmente ambos necesitaron a axuda do equipo de vixilancia do areal para saír do mar.
O surfeiro tivo que ser remolcado por unha embarcación dos socorristas, mentres que o seu acompañante foi capaz de chegar a terra polos seus propios medios.
Máis tarde, pasadas as 18,00 horas da tarde, os socorristas do Grove tiveron que saír para rescatar a unha moza á que arrastrou a corrente cando navegaba sobre unha colcholeta inchable.
A moza puido volver a terra en perfecto estado coa axuda do equipo de vixilancia, tal e como confirma o 112.
Escribe o teu comentario