Galicia chega ao #12J cun esborralle do voto emigrante e un boom das solicitudes de sufraxio por correo

|

Esta foi a primeira campaña na historia recente da autonomía galega que ningún candidato a presidencia cruza o Atlántico. O motivo? A pequeñísima participación da numerosa diáspora galega, lastrada polo voto rogado e as corentenas en Buenos Aires e outras urbes suramericanas.


Un total de 2.234.252 galegos están citados coas urnas este domingo, 12 de xullo, para participar nas eleccións autonómicas. En total, o censo ascende a 2.697.315 persoas, das cales 463.163 son residentes no estranxeiro.


Un grupo de persoas fai cola na estación de tren de Retiro, en Buenos Aires, á espera de someterse á proba de Covid-19.


Esperando ao tres en Buenos Aires


 Pola súa banda, o voto da emigración caeu de forma histórica, xa que só 12.359 electores do Censo de Residentes Ausentes (CERA) solicitaron o voto, unha cifra que é practicamente a metade que na cita autonómica de 2016 e que é a máis baixa de todo este século. 

NA CORUÑA VOTAN CASE CINCO VECES MÁIS QUE OURENSE
Así as cousas, este domingo están chamados a votar na Coruña un total de 927.938 electores; en Pontevedra, 773.024; en Ourense, 257.826; e en Lugo, 275.364.

Ademais, un total de 78.503 mozos poderán votar por primeira vez nunhas eleccións galegas, desde as celebradas o 25 de setembro de 2016. Son 13.628 máis que na cita das xerais que tivo lugar o 10 de novembro de 2019.

Dos 78.503 votantes, 32.420 correspóndense coa provincia da Coruña; 30.473, coa de Pontevedra; 8.053, con Lugo; e 7.557, coa de Ourense. Desde o 5 de abril, sumaron 5.539 mozos ao censo electoral da cita estival.

VOTO POR CORREO
Un total de 72.161 galegos xa enviaron o seu voto por correo para as eleccións ao Parlamento de Galicia deste domingo, unha cifra provisional, a última dada por Correos a falta de sumar os votos do venres.

Esta cifra supón un incremento do 79,52% respecto ao anterior proceso electoral homologable, as eleccións autonómicas galegas que se celebraron en 2016 e, a falta do dato definitivo, xa supón a cifra máis alta de voto por correo rexistrado nuns comicios autonómicos en Galicia, desde a súa primeira celebración tras a aprobación do Estatuto de Autonomía en 1981.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress