As probas de acceso á universidade empregan un artigo de Catalunyapress

Unha peza de opinión, publicada na cabeceira matriz de Galiciapress, que reflexiona sobre o perigo da teoría da conspiración sobre as vacinas é elixida no selectivo catalán.

Un texto publicado por Catalunyapress foi un dos elixidos polos responsables das probas de acceso á Universidade como ouna das probas ás que se tiveron que enfrontar os miles de estudantes que estes días deben realizar os exames.

Trátase dunha adaptación feita dun texto escrito polo médico e escritor Genís Carrasco, que neste artigo facía referencia ao enorme perigo que supón para a sociedade en xeral e os nenos en particular as posturas defendidas polos antivacunas.

Carrasco cita no seu artigo as manipulacións que fixeron recoñecidos retractores das vacinas, personaxes famosos que se deixaron influír polas mentiras dalgúns dos maiores defensores das devanditas teorías.

O citado artigo foi publicado por Catalunyapress en febreiro de 2019, e agora os alumnos que se presentaron ás probas de acceso á Universidade tiveron que 'enfrontarse' ao texto de Genís Carrasco.