Así rastrexará a Xunta aos novos contaxiados polo coronavirus en Galicia

|

Os que sexan positivos na proba PCR deberán dar unha lista dos seus contactos estreitos desde os dous días previos ao comezo dos síntomas. Esas persoas quedarán en corentena durante 14 días.


A Consellería de Sanidade puxo este luns en marcha a plataforma tecnolóxica de seguimento coa que rastrexará e monitorará os contactos das persoas infectadas por COVID-19.


Dispositivo sanitario de próbaa test do PCR para detectar a infección por coronavirus ás persoas desde o seu coche, instalado no recinto de aparcamento do centro de saúde da barriada A


Diso informou o departamento autonómico nun comunicado, no que detalla que, inicialmente, este servizo estará integrado por un equipo de 20 operadores e que se prevé que chegue aos 50 profesionais nas próximas semanas.

O sistema tecnolóxico de rastrexo empregado en Galicia para identificar posibles novos casos de infeccións por coronavirus contará cun protocolo único, e encargarase de identificar e contactar con cada unha das persoas que tivesen contacto cun caso positivo por COVID-19.



Despois dunha consulta médica, presencial ou telefónica, na que o facultativo diagnostique ao paciente como caso sospeitoso de COVID-19, solicitaráselle a proba PCR.

Entón, esta plataforma activará unha enquisa inicial a esta persoa que presente sintomatoloxía COVID-19 e solicitaránselle os datos das persoas coas que puido manter contacto estreito, desde dous días antes do inicio dos síntomas ata o momento do seu illamento. No caso de que o resultado da proba PCR sexa positivo, pediráselle aos contactos que garden corentena durante 14 días desde o último contacto con esta persoa.

Así mesmo, empezaría un seguimento diario sobre a posibilidade de aparición de sintomatoloxía compatible co COVID-19 e, de aparecer estes síntomas, derivaranse ao seu médico. Os contactos pasarían a ser casos sospeitosos iniciando de novo o ciclo con solicitude da proba PCR, illamento e investigación de novos conctactos.

O sistema de rastrexo galego, será monitorado diariamente por técnicos de Saúde Pública dos Servizos Centrais e das Xefaturas Territoriais, que avaliarán e controlarán a calidade de todo o sistema, a validez da información e a resolución de incidencias.

Do mesmo xeito, tamén colaborarán nas tarefas de seguimento Atención Primaria, principalmente nos casos confirmados, os servizos de Medicina Preventiva, naqueles casos nos que os pacientes estean ingresados, e os Servizos de Prevención de Riscos Laborais, no caso de producirse algún brote neste ámbito.

Deste xeito, o Sergas levará a cabo unha vixilancia activa e diaria de todos os contactos rexistradepodéndovos, grazas á identificación das súas necesidades específicas, achegar a información máis adecuada para cada situación.

A Consellería de Sanidade destacou que a plataforma tecnolóxica canta coa flexibilidade suficiente para adaptar a dotación de persoal dedicado especificamente a esta función, de acordo ás necesidades que vaian xurdindo, e así verse incrementado proporcionalmente ao número de casos notificados desde o sistema asistencial a longo do tempo en función da evolución da pandemia.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress