As garderías galegas non queren abrir ata finais de xuño, coa "nova normalidade"

O colectivo galego de escolas infantís razoa que alí é imposible manter a distancia social, polo que rexeita abrir a finais de maio, cando sería a Fase II

A Asociación Galega de Escolas Infantís (Agadei) rexeita a "decisión de ter que abrir" as súas instalacións na Fase 2 da desescalada exposta polo Goberno central.

A xuízo desta asociación resulta "precipitado e conleva un risco importante para as nenas, os nenos, as súas familias e o persoal das escolas infantís", manifestou este domingo nun comunicado.

NUNHA GARDERÍA É IMPOSIBLE O DISTANCIAMENTO
Este tipo de centros cren que "as medidas de distanciamento social" serán difíciles de manter e pregúntanse "como van seguir facendo o seu traballo" que "non só trátase de cubrir necesidades fisiolóxicas básicas, senón de dar agarimo cun bico, consolar cun abrazo ou acougar cunha caricia".

Ademais, non queren verse na tesitura de "discriminar e diferenciar" aos menores que "poden asistir e aos que non", xa que defenden "unha educación e atención igualitaria coas mesmas garantías de seguridade e asistencia educativa", tal e como aseguran que se representa nos seus proxectos educativos.

NON QUEREN ABRIR ATA FINAIS DE XUÑO
Apostan por retomar a actividade unha vez entrouse na 'Nova Normalidade', cando "os contagios sexan menores e a volta máis segura", o demais o ven "perigoso e inviable". No escenario máis optimista, esa fase alcanzarase dentro de sete semanas.

Insistiron tamén en que a súa prioridade é a da saúde "fronte á economía" e xa que foron "os primeiro en pechar", cren que "é lóxico que sexan os últimos en abrir".