Teleoperadores da Coruña denuncian a explotación á que están a ser sometidos "aproveitando" a crise do coronavirus
O comité de empresa de Teleperformance A Coruña denunciou que a empresa "está a aproveitar a crise sanitaria da COVID-19 para explotar ao persoal".
Desde o comité de empresa de Teleperformance A Coruña, que conta con máis de 800 traballadores e que presta servizo a grandes multinacionais, denuncian as ameazas que están a sufrir por parte da compañía, que podería aplicar recortes salariais.
O comité de empresa de Teleperformance A Coruña denunciou que a empresa "está a aproveitar a crise sanitaria da COVID-19 para explotar ao persoal".
Nun comunicado, afirma que a empresa de "contact center, que ocupa a máis de 800 empregados dando servizos a grandes multinacionais" non negociou cos traballadores "nin acordado" o sistema de teletraballo.
"Os traballadores son os responsables, tendo que poñer os seus propios equipos, conexións a internet e electricidade, sen custo algún para a empresa", apuntan.
Ademais, aseguran que "ameazouse con realizar descontos en nómina polas incidencias nas conexións dos axentes a pesar de que recoñecen que o centro de Coruña non está preparado tecnoloxicamente" para que os traballadores "puidesen traballar en casa". Mentres, reprochan á empresa un intento de "reducir custos para non aplicar outro tipo de medidas".
Escribe o teu comentario