Toda a oposición teme que Política Social ocultase os mortos en hospitais por coronavirus

Edulcora a Xunta os datos do coronavirus en Galicia non sumando as persoas que enfermaron en residencias de maiores e morreron en hospitais? Familiares e traballadores alertaron onte que Política Social non conta estes falecidos. Hoxe a oposición saíu en tromba e ao unísono a esixir explicacións.

A Brilat desinfectando unha residencia en Galicia

Hai días que Galiciapress vén aputando os saltos nos datos oficiais por áreas sanitarias. Cada vez que a Xunta fai test a todos os usuarios de certa residencia, o número de positivos nesa área dispárase. 

Xusto o que pasou o domingo en Compostela. En DomusVi de  Santiago (San Lázaro) pasaron 42 a 85 positivos nun día. O mesmo pasou hai unha semana en DomusVi Cangas (Aldán), con máis de 100 positivos nun día,  e DomusVi Vigo (Barreiro); e posterioremente en A nosa Señora da Esperanza de Ourense, do grupo católico San Rosendo.

Disto dedúcense dúas cousas. Primeiro, o goberno non ten test suficientes para facer probas masivas canto antes mesmo onde son máis necesarias. 

Segundo, o gran peso que teñen as residencias en a  epidemia. Por exemplo, o domingo houbo 207 positivos en toda Galicia, dos que 43 proveñen dun único lugar, DomusVi Santiago. É dicir, case o 25% dos casos eran dunha residencia privada, na que xa se comprobaron outras ducias de casos.

A pesar da evidente relevancia do drama nas residencias, os datos que facilita a Xunta respecto diso son confusos e parciais. 

O Goberno Gallego leva dúas contas paralelas, a de Sanidade e a de Política Social, sen que a día de hoxe sexa 100% claro que conta cada un e en que se sobrepoñen.  Ao parecer, os datos de Sanidade non inclúen os das residencias, polo menos no que se refire aos falecidos. 

Non debe pasar só en Galicia, pois o Goberno Central ha metido man e agora Moncloa  ordena remitir ao Ministerio datos detallados antes do mércores.

A Consellería de Política Social "edulcora" o impacto real do coronavirus en Galicia dando unha imaxe "falsa" das residencias ao "non incluír información dos residentes que están ingresados ou que morreron en hospitais", denunciaron onte desde a a Alianza Galega polos Servizos Públicos para Maiores e Dependentes.  

Un días despois todas as forzas da oposición fanse eco desta denuncia e esixen explicacións.

CRÍTICAS UNÁNIMES DESDE TODA A OPOSICIÓN

Desde  Galicia en Común-Anova Mareas reclaman facerlle a proba a todos os maiores porque "se non coñecemos exactamente cantos infectados hai nas residencias galegas, non poderemos actuar eficazmente para frear a expansión do coronavirus”. O seu líder Antón Gómez Reino reclamou hoxe á Xunta que interveña e medicalice xa todos os centros de maiores.

Nunha rolda de prensa xunto a Martiño Noriega (ANOVA) e Eva Solla, a confluencia rupturista denuncia que "Feijóo deixa en mans de empresas privadas a vida do noso maiores, privatiza os servizos e non exerce ningún control público sobre eles".

"Esta fin de semana atopabámonos con máis de 140 contaxiados nunha residencia en Ourense, e outra nesta cidade con máis de 50", denuncia o líder do PSdeG. Gonzalo Caballero alerta que "as familias están moi preocupadas, en moitos casos sen información ou sen información suficiente para saber que ocorre cos seus familiares".

O socialista pide a San Caetano "información clara" e que "non xere dúbidas" sobre a situación.

Tamén ao Bloque xórdenlle dúbidas sobre a veracidade dos datos da Xunta sobre as persoas maiores. "A nosa preocupación é que o Goberno galego estea tentado ocultar os falecidos en hospitais de residencias", indica Ana Pontón.

A portavoz nacional do BNG entende que "é un tema de máxima urxencia, que nos preocupa a todos e o Goberno galego debe actuar con máis celeridade".

A DEPUTACIÓN DE LUGO Ao RESCATE

Por outra banda, a Deputación de Lugo puxo ao dispor do Goberno galego as instalacións das cinco residencias de atención a persoas maiores de Castroverde, Meira, Navia de Suarna, Pedrafita do Cebreiro e Ribas de Sil, co fin de que o Executivo autonómico poida dispoñer delas en caso de necesidade de recursos ante a crise sanitaria. Esta Administración gobérnaa unha coalición de PSOE e BNG.