Vigo e A Coruña sofren os seus peores datos de coronavirus, revela a gráfica por áreas do SERGAS
Con todo, en Vigo produciuse un maior ascenso nos últimos días.Pola contra, a epidemia parece ir moito máis atrasada na área sanitaria de Ferrol.
Preocupante aceleración da pandemia de COVID-19 nas dúas áreas sanitarias máis afectadas en termos absolutos, A Coruña e Vigo, con 168 e 185 novos casos confirmados o domingo. Relevante tamén que Ferrol volva a certa normalidade, con 16 casos, tras os estraños 79 positivos de onte.
Ferrol foi a área sanitaria que rexistrou o primeiro contaxio máis tarde, o 9 de marzo. A Coruña, a que máis temperán, o 4 de marzo. En Vigo foi o 5 de marzo.
Mentres en case todas as áreas o número de positivos creceu paulatinamente, en Ferrol ata o domingo 29 de marzo sempre se mantiveron relativa e sorprendemente baixos ata os 79 do domingo. Hoxe son 16 máis, unha cifra máis coherente coa serie anterior.
CASOS CONFIRMADOS POR ÁREAS SANITARIAS
Segundo as cifras da Xunta, o número de casos activos en Galicia ascende a 3.476. Son 807 da área sanitaria de A Coruña, 289 de Lugo, 479 de Ourense, 348 de Pontevedra, 866 de Vigo, 529de Santiago e 158 de Ferrol.
Ningunha das liñas de crecemento por áreas sanitarias dá indicios dunha retardación en termos absolutos. En termos de crecemento diario, Vigo e A Coruña son as que seguen acelerando máis, mentres que en Pontevedra parece que a cifra de novos positivos leva estabilizada xa uns xornadas. O seu ascenso é o que explica que Galicia siga batendo as súas marcas de infectados.
Escribe o teu comentario