Feijóo reivindica os méritos do PPdeG para estar nas manifestacións do Día da Muller

Cayetana Álvarez de Toledo poida que non acoda á manifestación de Madrid pero, polo argumentado hoxe polo líder galego, representantes dos conservadores sumaranse ao 8M en Galicia

O presidente da Xunta, Alberto Núñez Feijóo, asegurou este venres, tras ser preguntado acerca de se prevé participar nas manifestacións do 8M, que o que decidiu "" a súa formación é que "calquera persoa do PP de Galicia pode estar e, se quere estar, estará".

Acto este vienres do PP polo 8 de marzo

FEMINISMO NO PP

En declaracións aos medios, Feijóo reivindicou as políticas de igualdade impulsadas na Comunidade, onde se aprobou "a primeira lei de igualdade no ano 2004", cando Manuel Fraga estaba á fronte da Xunta. Tamén aludiu ás axudas periódicas para as vítimas de violencia machista, unha medida "ambiciosa" que comparte con poucas comunidades.

"Nosas políticas son coñecidas e a igualdade en Galicia non é unha discusión, é un compromiso de todos os partidos", sentenciou o presidente galego, quen tamén foi preguntado pola postura da súa compañeira de partido, Cayetana Álvarez de Toledo, en relación ao 8M.

Feijóo esgrimiu que calquera pode facer "o que considere oportuno" en relación a asistir ou non ás manifestacións convocadas, aínda que esgrimiu que hai "lemas" que non convidan a acudir, en velada alusión ao polémico 'Soa e bébeda, quero chegar a casa', que fixo seu o Ministerio de Igualdade.

O presidente galego, que este sábado participará no acto institucional da Xunta con motivo do Día Internacional da Muller, concluíu que "o feminismo se defende todos os días con actitudes e decisións". "Discutir a igualdade efectiva entre un home e unha muller é absolutamente absurdo", resolveu.