O pacto entre Podemos, ANOVA e UE non está pechado, pero si bastante avanzado

En contra do que se filtrou ao mediodía causando molestias en Podemos, aínda non hai acordo pechado para unha coalición da esquerda rupturista para as comunidades autónomas. Así o confirmou a Galiciapress esta tarde ás 17:45 fontes de negociación próximas á formación morada.

O que estas fontes teñen claro é "Antón Gómez Reino será candidato á presidencia, con ou sen ANOVA". O filtrado ao mediodía tamén situou ao líder de Podemos Galicia como líder da confluencia.

Díaz (EU), Beiras y Antón Sánchez (ANOVA) e Iglesias (Podemos) en  foto de arcqivo

O principal problema reside no encaixe de necesario para cubrir listas co formato obrigatorio de cremalleira - muller seguida por home ou home seguido por muller - sen que ningún dos tres socios principais (Podemos, ANOVA e UE) aparezan diminuídos ante as súas bases.

Noutras palabras, as tres forzas pelexan, como é lóxico, porque as súas cabezas visibles teñen un lugar destacado, para poder asegurarlles un escano nunhas eleccións nas que as enquisas outorganlle como moito oito actas de deputado.

En Podemos hai medo a que estes últimos detalles descarren o acordo, como din que pasou no pasado. As fontes citadas non ocultan o seu malestar pola fuga de información desta mañá cando a verdade, segundo din, é que o acordo está avanzado pero lonxe de estar ao 100% seguro.

En calquera caso, os de Pablo Iglesias e Gómez Reino son optimistas para pechar o pacto. A todo o mundo lle queda moi pouco tempo para facelo realidade. Hoxe antes das 12 do noite a documentación da probable coalición deberá ser entregada á Xunta Electoral